روسیه 6 بریتانیا دیپلوماتینین آکرئدیتاسیونونو لغو ائدیب

روسیه فدرال تهلوکه‌سیزلیک سرویسی 6 بریتانیالی دیپلوماتین آکرئدیتاسیونونو جاسوسلوق‌دا و میللی تهلوکه‌سیزلیگه تهلوکه تؤرتمک‌ده شوبهه‌لی بیلینه‌رک لغو ائدیلدیگینی آچیقلاییب.

روسیه فدرال تهلوکه‌سیزلیک سرویسی -دن وئریله‌ن آچیقلامادا، اینگیلتره‌نین بین الخاق نیظامی-سیاسی وضعیتین گرگینلشمه‌سی پروسئ‌سینی کووردیناسیون ائتدیگینی گؤستر‌ن بعضی سندلرین روسیه کشفیاتی طرفین‌دن اله کئچیریلدیگی بیلدیریلیب.

آچیقلامادادا، بیلدیریلیب: "بو سندلر بریتانیا خاریجی ایشلر ناظیرلیگی یانین‌دا شرقی آوروپا و مرکزی آسییا دیرئکتورلوغونون روسیه و کئچمیش سووئتلر برلیگی اؤلکه‌لرینه قارشی ییخیجی سیاستین حیاتا کئچیریلمه‌سینی کووردینه ائتدیگینی گؤستریر."

آچیقلامادا بو بؤلمه‌نین روسیه‌نی ایستراتژیک جهتدن مغلوب ائتمک اوچون اوکراین‌دا ساواش باشلایان‌دان سونرا کشفیات بؤلمه‌سینه چئوریلدیگی، موسکوایا گؤندریلن بعضی اینگیلیس دیپلوماتلارین حرکتلرینین "اؤلکه‌نین تهلوکسیزلیگینی تهدید ائتدیگی" ادعا ائدیلیب.

آچیقلامادادا، دئییلیب:

"بو باغلامدا الده ائدیلن سندلر اساسین‌دا روسیه لندنین دوشمن آددیملارینا قارشی تدبیر گؤروب و بؤیوک بریتانیانین موسکواداکی سفیرلیگینین سیاسی بؤلومونده چالیشان 6 امکداشین آکرئدیتاسیونونو لغو ائدیب. اونلارین کشفیات و تخریبات ایشی ایله مشغول اولدوقلاری معین ائدیلیب. "

روسیه فدرال تهلوکه‌سیزلیک سرویسی، همچینین آکرئدیتاسیونو لغو ائدیلن بریتانیالی دیپلوماتلارین فوتوشکیللرینی درج ائدیب.

روسیه آلتی بریتانیالی دیپلوماتین جاسوسلوق‌دا شوبهه‌لی بیلینه‌رک آکرئدیتاسیونونو لغو ائتدیک‌دن سونرا بریتانیا جاسوسلوق اتهاملارینین "تامامیله اساس‌سیز" اولدوغونو بیلدیریب.

اینگیلتره خاریجی ایشلر ناظیرلیگینین سؤزچوسو مؤوضوع ایله باغلی وئردیگی یازی‌لی آچیقلامادا، روسیه فدرال تهلوکه‌سیزلیک سرویسینین اینگیلیس پرسونلینه قارشی ایر‌لی سوردویو اتهاملارین "تامامیله اساس‌سیز" اولدوغونو بیلدیریب.

سؤزچوسو، دئدی: "کئچن آی روسیه حکومتی روسیه‌نین بوتون آوروپا و بؤیوک بریتانیاداکی فعالیتلرینه قارشی بریتانیا حکومتینین گؤردویو تدبیرلره اویغون اولاراق 6 بریتانیالی دیپلوماتین روسیه‌ده‌کی دیپلوماتیک آکرئدیتاسیونونو لغو ائتدی. بیز میللی ماراقلاریمیزی قورودوغوموز اوچون عذر ایسته‌میریک."