قوتئرئش، گلوبال اینستیتولارین ایصلاحاتینین اؤنملی اولدوغونو بیلدیردی
بیرلشمیش میلتلر تشکیلاتی‌نین باش کاتیبی آنتونیو قوتئرئش، تشکیلاتین عمومی قورولو چرچیوه‌سینده گئچیریله‌جک «گلجه‌یین زیروه‌سی» اؤنجه‌سی گلوبال اینستیتولارین ایصلاحاتینین اساس اؤنم کسب ائتدیغینی بیلدیریب
بیرلشمیش میلتلر تشکیلاتی‌نین باش کاتیبی آنتونیو قوتئرئش، تشکیلاتین عمومی قورولو چرچیوه‌سینده گئچیریله‌جک «گلجه‌یین زیروه‌سی» اؤنجه‌سی گلوبال اینستیتولارین ایصلاحاتینین اساس اؤنم کسب ائتدیغینی بیلدیریب.
قوتئرئش، "بیرلشمیش میلتلر تشکیلاتی گلجه‌یین زیروه‌سی گلوبال موراجیعتی" آنلاین توپلانتیسینا ویدئو مئساژ گؤندردی.
او، "بیرلشمیش میلتلر تشکیلاتی تهلوکه‌سیزلیک شوراسی گئچمیشده ایلیشیب قالیب" دئییب، مؤوجود اولوسلار آراسی سیستئمین بیر چوخ مسئله ایله مشغول اولماق اوچون کیفایت ائتمدیگینه دقت چکیب.
قوتئرئش بَیان ائدیب کی، «گلجه‌یین زیروه‌سی» داها گوجلو «چوخ‌طرفلی سیستئم» قورماق اوچون بیر فورصتدیر.
گلوبال اینستیتولارین ایصلاحاتلارینین اساس اؤنم کسب ائتدیغینی وورغولایان قوتئرئش گله‌جک نسیللر اوچون داها چوخ گلوبال هم‌رایلی‌یه ائحتیاج اولدوغونو وورغولاییب.
قوتئرئش قید ائدیب کی، یئنی دؤورون چاغیریشلاری ایله موباریزه آپارماق اوچون بیرلشمیش میلتلر تشکیلاتی دا «یئنیلنمه‌لی‌دیر».
«گلجه‌یین زیروه‌سی»نین تقدیم ائتدیگی فورصتدن ایستیفاده ائتمه‌یین ضروری اولدوغونو بیلدیرن قوتئرئش عوضو اؤلکه‌لردن حاضیردا موذاکیره اولونان راضیلاشمالاری دسته‌کلملرینی ایسته‌ییب.
سپتامبرین ۲۲-۲۳-ده بیرلشمیش میلتلر تشکیلاتین عمومی قورولو چرچیوه‌سینده «گلجه‌یین زیروه‌سی»نه ائو صاحیبلی‌یی ائده‌جک، ۱۹۰-دان چوخ اؤلکه‌نین لیدئری بو قورولدا چیخیش ائده‌جک.
ایلگیلی‌لی خبرلر
شیمالی کره‌‌دن ناتویا تپکی
"ناتو، آمریکا بیرلشمیش دؤولتلرینین ساواش واسطه‌سیندن باشقا بیر شئی دئییل"
