گونئی کره اوردوسو، چین کامئرالارینی ییغیشدیریب

گونئی کره اوردوسو موختلیف نیظامی تاسیس‌لرده، او جومله‌دن قوزئی کره سرحدی یاخینلیغینداکی بازالاردا ایستیفاده ائتدیگی چین ایستئحصالی اولان موشاهیده کامئرالارینی ییغیشدیریب.

یونهاپ‌ین خبرینه گؤره، آدی آچیقلانمایان بیر نیظامی مسئول بیلدیریب کی، جولای آیینین سونوندا حربی و استیخبارات مسئوللاری طرفیندن آپاریلان آراشدیرمالاردا گونئی کره شیرکتین‌دن تداروک ائدیلن موشاهیده کامئرالارینین چین ایستئحصالی اولدوغو معین ائدیلیب.

بو مسئول، "کامئرالارین چین سئروئرینه قوشولماق و قیده آلینمیش شکیللری خاریجدن اؤتورمک اوچون نظرده توتولدوغو آشکار ائدیلیب، لاکین هئچ بیر بیلگی سیزماییب" دئدی.

تهلوکه‌سیزلیک سببی ایله چین ایستئحصالی اولان ۱۳۰۰-دن چوخ موشاهیده کامئراسینین ییغیشدیریلدیغی باره‌ده بیلگی پایلاشان نیظامی مسئول، اونلارین یئرلی ایستئحصال اولان تجهیزات ایله دییشتیریلدیغینه دقت چکیب.

تهلوکه‌سیزلیک کامئرالارینین قوزئی کره سرحدینی ایزله‌مک اوچون دئییل، حربی تعلیم بؤلگه‌لری و پایگاه چپرلری اوچون ایستیفاده ائدیلدیگینه دقت چکن بو مسئول، تداروکچونون تجهیزاتین منشأ اؤلکه‌سینی گیزلتمکده شوبهه‌لی اولدوغونو و اوردونون قانونی شکیلده بو شیرکته قارشی تدبیر آلماغی دوشوندویونو بیلدیردی.