بورئل‌دن ایران-ا یئنی تحریملر ایله باغلی سیگنال

آوروپا بیرلیگی‌نین خاریجی علاقه‌لر و تهلوکه‌سیزلیک سیاستی اوزره عالی نوماینده‌سی جوزپ بورئل ایران‌ین روسیه‌یه بالیستیک راکئت و پیلوتسوز تَییاره‌لر اؤتوردویو سببی ایله یئنی تحریملر تطبیق ائده‌جکلرینی آچیقلاییب.

بورئل سوسیال مئدیا حئسابیندان وئردیگی آچیقلامادا ایران ایستئحصالی اولان بالیستیک راکئتلرین روسیه‌یه تحویل وئریلمه‌سینی شیدتله قینادیغینی بیلدیریب.

بونون آوروپانین تهلوکه‌سیزلیگینه بیرباشا تهدید اولدوغونو ایفاده ائدن بورئل، "ایرانین بالیستیک راکئت و پیلوتسوز تَییاره پروقراملارینا قارشی یئنی تدبیرلرله سورعتله جاواب وئرجه‌ییک" دئدی.

آوروپا بیرلیگی‌نین ایران-ا قارشی تحریملری ۲۰۱۱-جی ایلده «اینسان حقوقلارینین پوزولماسی، یاییلیمجی نووه انئرژیسی فعالیتی و روسیه‌یه حربی دسته‌ک» سببین‌دن ایجرا اولوب و ۲۰۲۵-جی ایل آوریل آیینین ۱۳-دک اوزادیلیب.