آمریکا و انگلستان‌دان اوکراینا دستک

آمریکا بیرلشمیش دؤولتلری خاریجی ایشلر ناظیری آنتونی بلینکن، اؤلکه‌سینین اوکراینا مختلیف ساحه‌لرده جمعی ۷۱۷ میلیون دلارلیق دستک تامین ائدجگینی بیلدیردی.

اوکراین خاریجی ایشلر ناظیری آندری سیبیگا، ۴.جو قیریم پلتفورمو لیدئرلر ذیروه‌سینه قاتیلماق اوچون کیئوده اولان آمریکا خاریجی ایشلر ناظیری "بلینکن" و انگلستان خاریجی ایشلر ناظیری "دوید لمی" ایله اورتاق مطبوعات کنفرانسی تشکیل ائتدی.

سیبیگا، قوناق ناظیرلرله اؤلکه‌سینده داوام ائد‌ن ساواشلا باغلی اینکیشافلاری قیمتلندیردیکلرینی بیلدیردی.

گؤروشمه‌ده اوکراین‌ین مدافعه قابیلیتلرینی گوجله‌ندیره‌جک آددیملارین اله آلیندیغینی ایفاده ائدن سیبیگا، اوکراینااوردوسو اوچون یئرلی استحصالین و سلاحلارینین ساتین آلینماسینا ایستیقامتلی سرمایه‌لرین آرتیریلماسینین اهمیتینی ده وورغولایاراق، "بو، اوکراینایا ائدیله‌ن عسگری کؤمگی سرعتله آرتیرمانین و متفیقلریمیزین قایناقلارینی قورومانین بیر یولودور" دئیه دانیشدی.

بلینکن ایسه اوکراین‌ین، غرب اؤلکه‌لرینین وئردیگی اوزون منزیللی سلاحلارین ایستیفاده ائدیلمه‌سینه ایستیقامتلی طلب ائتدیگی ایجازه مؤوضوعونو اوکراینالی لیدئرلر ایله دانیشدیقلارینی، بو معلوماتلاری آمریکا باشقانی جو بایدنه بیلدیره‌جگینی سؤیله‌دی.

آنتونی بلینکن، ۱۳ سپتامبر جمعه گونو بایدن ایله اینگیلتره باش ناظیری کی‌یر ایستارمرین واشینگتوندا بیر آرایا گله‌جگینی و اوکراین‌ین اوزون منزیللی سلاح ایستیفاده ائتمه طلبلرینی ده دانیشا بیله‌جکلرینی قئید ائتدی.

بلینکن، روس هوجوملاری سببی ایله زیان گؤرموش انرژی سیستمینین تعمیری اوچون ۳۲۵، اینسانی کؤمک اوچون ۲۹۰ و مین تمیزله‌مه ایشلری اوچون ۱۰۲ اولماق اوزره جمعی ۷۱۷ میلیون دلار کؤمگی اوکراینا تامین ائد‌جکلرینی بیلدیردی.

انگلستان خاریجی ایشلر ناظیری لمی ده اوکراینایا ایللیک ۳ میلیارد استرلینگ‌لیک عسگری کؤمک تامین ائد‌جکلرینی سؤیله‌دی.

بو آرادا اوکراین دؤولت باشقانی ولودیمیر زلنسکی، انگلستان خاریجی ایشلر ناظیری لمی و آمریکا خاریجی ایشلر ناظیری بلینکنی قبول ائتدی.

زلنسکی، تلگرام حسابیندان ائتدیگی پایلاشیمیندا، بوتون اهمیتلی مؤوضوعلارین دانیشیلدیغینی ایفاده ائد‌رک، اؤلکه‌سینی دستکله‌دیکلری اوچون آمریکا و انگلستانا تشکر ائتدی.