ایسرائیل‌دن لبنانین جنوبونا هاوا سالدیریسی
ایسرائیل اوردوسو سحر ساعاتلارین‌دان اعتباراً لبنانین جنوبون‌داکی قصبه‌لره بیر سیرا هاوا سالدیریسی ائدیب.
ایسرائیل اوردوسو سحر ساعاتلارین‌دان اعتباراً لبنانین جنوبون‌داکی قصبه‌لره بیر سیرا هاوا سالدیریسی ائدیب.
بؤلگه‌ده‌کی شاهیدلرین وئردیگی معلوماتا گؤره، ایسرائیل ساواش اوچاقلاری لبنانین جنوبون‌داکی زیبکین، الشعیتیه، کلایلا، ماژدل زون، هاننیه و طیر هارفا قصبه‌لرین‌ده موختلیف نقطه‌لری 17 دفعه هدفه آلیب.
لبنانین رسمی خبر آژانسی (ننا) خصوصیله کلایلا قصبه‌سین‌ده‌کی مزرعه‌لره و بینالارا بؤیوک مادی زیانین اولدوغونو بیلدیریب.
ایسرائیل اینسانسیز هاوا آراجلاری بینت جبیل شهری اوزرین‌ده عینی واخت‌دا اوچارکن، ایسرائیل عیتا الشعب و رامیه قصبه‌لرینه دوغرو آوتوماتیک سیلاحلاردان آغیر آتیش آچیب.
گئجه ساعاتلارین‌دا ایسرائیل اوردوسون‌دان ائدیلن آچیقللامادا بیلدیریلیب کی، تشکیلاتین نباتی، منصوری و کفر کلا بؤلگه‌لرین‌ده‌کی کونترولا مرکزینه و نیظامی بینالارینا هاوا سالدیری ائدیلدی.
8 اوکتیابر 2023-جو ایلدن بری لبنانین جنوبون‌دا ایسرائیل اوردوسو ایله حزب الله آراسیندا گئدن قارشی‌دورمالاردا 434 حزب الله عضوو اؤلوب.
