کانادا ایسرائیله سلاح ساتیشینی تاخیره سالدی
کانادا خاریجی ایشلر ناظیری ملانی جولی، غزه‌ده ۴۰ مینی آشان فیلیسطینلینی اؤلدوره‌ن ایسرائیله وئریله‌ن عسگری دستک مؤوضوعوندا دگرلندیرمه‌‌لر وئردی
کانادا، ۷ اکتبردان بو یانا غزه یولاغینا هوجوملارینا داوام ائد‌ن ایسرائیله سلاح ساتیشی اوچون ۳۰ لیسانس ایجازه‌سینین تاخیره سالیندیغینی بیلدیردی.
کانادا خاریجی ایشلر ناظیری ملانی جولی، غزه‌ده ۴۰ مینی آشان فیلیسطینلینی اؤلدوره‌ن ایسرائیله وئریله‌ن عسگری دستک مؤوضوعوندا دگرلندیرمه وئردی.
جولی، ایسرائیله سلاح ساتیشی اوچون ۳۰ ایجازه‌نی تاخیره سالدیقلارینی و کانادا استحصالی مهماتین ایسرائیل اوردوسونا ساتیشی اوچون بیر آمریکا شیرکتی ایله ائدیله‌ن موقاویله‌نی لغو ائتدیکلرینی ایفاده ائتدی.
کانادا سلاحلارینین ساتیشینین واسیطه بیر اؤلکه اوزریندن ایسرائیله ساتیلماسینین آنلاشیلمازلیق مؤوضوعو اولدوغونا ایشاره ائد‌ن جولی، آمریکا‌لی شیرکت ژنرال دینامیکسین بو جور تیجاری عملیاتلارینین "کسینلیکله قاداغان" اولدوغونو بیلدیردی.
جولی، "غزه‌یه هئچ بیر شکیلده سلاح و یا سلاح تجهیزاتی گؤندرمه‌یه‌جییک. نقطه" ایفاده‌سیندن ایستیفاده ائتدی.
کانادانین ان بؤیوک مسلمان اینسان حاقلاری تشکیلاتی اولان کانادا مسلمانلاری میللی شوراسی، ناظیر جولینین قرارینا دستک وئردی.
کانادا مسلمانلاری میللی شوراسینین سوسیال مئدیا پلنفورمو اکس اوزریندن نشر ائتدیگی پایلاشیمدا، "ناظیر جولی، کانادانین ایسرائیله ایستیقامتلی سلاح قاداغاسی سیاستینین قوه‌ده قالدیغینی ایفاده ائد‌رک آچیق بیر مئساژ وئردی" ایفاده‌لریندن ایستیفاده ائدیلدی.
اینگیلتره خاریجی ایشلر ناظیری دیوید لمی ده، ۲ سپتامبردا پارلماندا ائتدیگی دانیشمادا، اؤلکه‌سینین ایسرائیله بعضی سلاحلارین ساتیشینی تاخیره سالاجاغینی بیلدیرمیشدی. ناظیر لمی، اینگیلتره‌نین سلاح صادرات لیسانسلارینین "بین الخالق اینسانجیل حقوقون جدی شکیلده پوزولماسی و یا بونون آسانلاشدیریلماسی اوچون ایستیفاده ائدیله‌بیله‌جگینه دایر آچیق ریسک" اولدوغونو بللی ائد‌ن آراشدیرمانین آردیندان قرارین آلیندیغینی ایفاده ائتمیشدی.
