بایدن‌دن عایشه‌نور ائزگی ائیگی ایله باغلی آچیقلاما
جو بایدن، آغ ائوده‌ن نیویورکا دوغرو یولا چیخماق اوزره آیریلارکه‌ن، ایسرائیل عسگرلرین طرفیندن اؤلدوروله‌ن ائیگی ایله اباغلی سوالی جاوابلادی
آمریکا بیرلشمیش دؤولتلری باشقانی جو بایدن، اردن چایینین باتی ساحیلینده اؤلدوروله‌ن تورک-آمریکا وطنداشی آکتیویست عایشه‌نور ائزگی ائیگینین ایسرائیل عسگرلری طرفیندن "قضایلا" وورولموش اولا بیله‌جگینی سؤیله‌دی.
جو بایدن، آغ ائوده‌ن نیویورکا دوغرو یولا چیخماق اوزره آیریلارکه‌ن، ایسرائیل عسگرلرین طرفیندن اؤلدوروله‌ن ائیگی ایله اباغلی سوالی جاوابلادی.
بایدن، ایسرائیلین ائیگینین اؤلدورولمه‌سینی قبول ائتمه‌سی ایله باغلی شرحینی سوروشان مطبوعات منسوبونا، مؤوضوع ایله باغلی داها اطرافلی معلومات آلدیغینی ایفاده ائد‌رک، "ائله گؤرونور کی بو بیر قضا ایدی، (مرمی) یئره اصابت ائتدیکدن سونرا قضا ایله اونو وورموش. هله ده بو مؤوضوع اوزرینه چالیشیرام" قیمتلندیرمه‌سینی وئردی.
آمریکا مدافعه ناظیرلیگی (پنتاگون) دا، ائیگینین ایسرائیل عسگرلرین طرفیندن باشیندان وورولاراق اؤلدورولمه‌سی مؤوضوعوندا ایسرائیللی اورتاقلارینا "وطنداش تهلوکه‌سیزلیگی گؤز قارشیسیندا ساخلانیلماسینین اهمیتینی وورغولاماغا" داوام ائد‌جکلرینی ایفاده ائتمکله کیفایتله‌ندی.
آمریکا خاریجی ایشلر ناظیری آنتونی بلینکن، اینگیلتره‌نین پایتاختی لندنده بو مؤوضوع ایله باغلی وئردیگی شرحده، " (عایشه‌نورون) اونون اؤلدورولمه‌سی هم سببسیز هم ده حاقسیز ایدی. هئچ کیم اعتراضا قاتیلدیغی اوچون وورولمامالی و اؤلدورولمه‌مه‌ل." دئمیشدی.
ایسرائیل اوردوسو، ائیگینین اؤلدورولمه‌سینه باغلی شرحینده، ائیگینین ایسرائیل عسگرلرینین ائتدیگی آتیش نتیجه‌سینده "قصد اولمادان اؤلدورولموش اولا بیله‌جگی"، ائیگینی ووران ایسرائیل عسگرینین، "بو سیرادا باشقا بیر نومایشچینی هدف آلماق ایسته‌دیگینی" ادعا ائتمیش‌دی.
تورک-آمریکا وطنداشی عایشه‌نور ائزگی ائیگی، ۶ سپتامبردا ایشغال آلتینداکی اردن چایینین باتی ساحیلینده نابلوس شهرینه باغلی بیته بؤلگه‌سینده تشکیل ائدیله‌ن ایشغال قارشیدی نومایشده ایسرائیل کسکین نیشانچیسی طرفیندن ائدیلن آتیش نتیجه‌سینده باشیندان وورولاراق حیاتینی ایتیرمیشدی.
