قوتئرئش: چالیشدیغیم مدتده غزه‌دکی کیمی بیر داغینتی و اؤلوم گؤرمه‌دیم
آنتونیو قوتئرئش، بیرلشمیش میلتلر تشکیلاتی‌نین غزه‌نین گلجه‌یینده رول اویناماسینین گرچک‌لری یانسیتمادیغینی، چونکو ایسرائیل‌ین بونو قبول ائتمَیه‌جه‌یینی بیلدیریب
بیرلشمیش میلتلر تشکیلاتی‌نین باش کاتیبی آنتونیو قوتئرئش، ایشله‌دی‌یگی مدتده "هئچ واخت غزه‌دکی کیمی بیر داغینتی و اؤلوم گؤرمه‌دیغینی" سؤیله‌دی.
آسوشیتد پرس آزانسی ایله موصاحیبه‌سینده قوتئرئش ۷ اکتبر ۲۰۲۳-جو ایلدن غزه‌ده باش وئرن حادیثه‌لری و دونیادا باش وئرن موناقیشه‌لری دگرلندیریب.
بیرلشمیش میلتلر تشکیلاتی‌نین غزه‌ده مومکون آتیش‌کسه رعایت ائتمه‌یی تکلیف ائتدیگینی بیلدیرن قوتئرئش بیرلشمیش میلتلر تشکیلاتی‌نین آتیش‌کسه نظارت تشکیلاتی‌نین (اونتسو) یاخین دوغوداکی ماموریتینی خاطیرلادیب.
آنتونیو قوتئرئش، بیرلشمیش میلتلر تشکیلاتی‌نین غزه‌نین گلجه‌یینده رول اویناماسینین گرچک‌لری یانسیتمادیغینی، چونکو ایسرائیل‌ین بونو قبول ائتمَیه‌جه‌یینی بیلدیریب.
غزه‌ده آتیش‌کسین اؤنمینه دقت چکن قوتئررئش دئییب: "غزه‌ده گؤردویوموز عذابلار منیم بیرلشمیش میلتلر تشکیلاتی‌نین باش کاتیبی اولدوغوم دؤورده گؤرونمه‌میش بیر حادیثه‌دیر. سون بیر نئچه آیدا غزه‌ده گؤردویوموز کیمی اؤلوم و داغینتی سوییه‌سینی هئچ واخت گؤرمه‌میشم" دئدی.
قوتئرئش ایکی دؤلتلی حلین تک یول اولدوغونو و باشقا آلتئرناتیوین مومکون اولمادیغینی بیلدیریب.
او، "بو، ۵ میلیون فیلیسطین‌لینین هئچ بیر حقوقو اولمایان بیر دؤلتده یاشاماسی دئمکدیر" دئدی.
دونیانین «تام کائوس ایچینده» اولدوغونو وورغولایان قوتئرئش، قارشی‌دورمالارین گئنیشلندیگینی، غزه‌یه ائدیلن هوجوملارین و روسیه-اوکراین ساواشینین «سونونون گؤرونمه‌دیگینی» بیلدیریب.
قوتئرئش یاخین گله‌جکده روسیه-اوکراین ساواشی اوچون آتیش‌کس گؤرمه‌دیگینی قید ائده‌رک، ساواشین تئز و آسانلیقلا بیتمَیه‌جه‌یینی بَیان ائدیب.
بیرلشمیش میلتلر تشکیلاتی‌نین اینسانی یاردیم عملیاتلارینین دا بؤحران ایچینده اولدوغونو بیلدیرن قوتئرئش، موناقیشه‌لر، طبیعی فلاکتلر و ایقلیم دَییشیکلیگی سببین‌دن ائحتیاجلارین اؤنملی درجه‌ده آرتدیغینی وورغولاییب.
