آلمان اوردوسو ساواشا حاضیر دئییل
کیئل دونیا اقتیصادی اینستیتوسو: آلمان اوردوسو آنجاق اوزون ایللردن سونرا مومکون ساواشا حاضیر اولابیلر
آلمان‌دا آپاریلان آراشدیرمالارا گؤره، اوردو ساواشا حاضیر دئییل.
کیئل دونیا اقتیصادی اینستیتوسو "آوروپا و آلمان‌ین روسیه‌یه قارشی یاواش سیلاحلانماسی» آدلی آراشدیرما گزارشی حاضیرلاییب.
گزارش‌ده بیلدیریلیر کی، آلمان اوردوسو آنجاق اوزون ایللردن سونرا مومکون ساواشا حاضیر اولابیلر.
خبرده آلمان‌ین روسیا تهلوکه‌سینه قارشی چوخ یاواش سیلاحلاندیغینا دقت چکیله‌رک، آلمان ایله روسیه‌نین نیظاکمی پتانسیلی آراسینداکی اوچوروم گئتدیکجه گئنیشلندیغی وورغولانیب.
گزارش‌ده ائتلاف حؤکومتینین مودافیعه خرجلرینین روسیه‌دن گلن حاضیرکی تهلوکه‌نی نظره آلاراق تامامیله یئترسیز اولدوغو و بونا حاضیرکی ساتین‌آلما سورعتی ده علاوه ائتدیکده آلمان‌ین ۲۰ ایل اؤنجه‌نین نیظامی ائحتیاطینا چاتماسینین تخمینا ۱۰۰ ایل چکجه‌یی قید ائدیلیب.
بیلدیریلیب کی، حاضیرکی تجهیزات سورعتی ایله آلمان اوردوسو ۲۰۰۴-جو ایل ساواش اوچاقلاری ائحتیاطینا تخمینا ۱۵ ایل، ساواش تانکی ائحتیاطینا تخمینا ۴۰ ایل، توپچو اوبوس ائحتیاطینا ایسه تخمینا ۱۰۰ ایل عرضینده چاتابیلر.
آلمان‌ین ۲۰۰۴-جو ایلده ۴۲۳ ساواش اوچاقی اولدوغو حالدا، ۲۰۲۱-جی ایلده بو رقم ۲۲۶-یا دوشوب. سون ۲ ایلده‌کی سیفاریش نیسبتینه گؤره، ۲۰۳۸-جی ایلده یئنیدن ۲۰۰۴-جو ایل رقمینه چاتماق مومکون اولاجاق.
گزارش‌ده قید ائدیلیردی کی، آرتان ایستئحصال گوجو ایله روسیه ۶ آیدان بیر قدر چوخ مدته آلمان اوردوسونون بوتون ائحتیاطینی ایستئحصال ائده‌بیلر.
