روسیه: دونتسک‌ده مئمریک قصبه‌سینی اله کئچیردیک
روسیه مدافعه ناظیرلیگی دونتسک ویلایتین‌ده‌کی مئمریک قصبه‌سینین روسیه اوردوسونون نظارتینه کئچدیگینی بیلدیریب.
روسیه مدافعه ناظیرلیگین‌دن وئریلن آچیقلامادا روسیه سیلاح‌لی قوه‌لرینین اوکراینداکی حرکتلری ایله باغلی معلوماتلار یئر آلیب.
آچیقلامادا، روسیه اوردوسو اوکرایندا جبهه‌ده ایر‌لیله‌مه‌یه داوام ائتدیغی بیلدیریله رک دئییلیب: "مرکزی نیظامی قروپون قوشونلاری فعال حرکتلری نتیجهسینده دونتسک خالق جمهوریتنین ممریک قصبه‌سینی آزاد ائدیب."
آچیقلامادا سون 24 ساعات عرضین‌ده 148 بؤلگه‌ده اوکراین عسگرلرینین و نیظامی تجهیزاتین یئرلشدیریلدیگی نقطه‌لره سالدیریلارین تشکیل ائدیلدیگی، اوکراینا مخصوص 45 اینسانسیز هاوا آراجینین روسیه هاوا سالدیریسین‌دان ساوونما سیستملری طرفین‌دن وورولدوغو بیلدیریلیب.
آچیقلامادا دئییلیب: "نیظامی عملیات باشلایان‌دان ایندی‌یه‌دک 642 اوچاق، 283 هلیکوپتر، 31 مین 166 اینسانسیز هاوا آراجی، 579 هاوا سالدیریسین‌دان ساوونما راکت سیستمی، 17 مین 969 تانک و زیرئه‌لی ماشین، 1447 کاتیوشا، 14 مین 358 اوبوس و قومپاره اوکراین اوردوسونا عائید 825 خصوصی نیظامی ماشین محو ائدیلیب."
