الجزایرده تبون یئنیدن جمهور باشقانلیغا سئچیلدی
الجزایرده سپتامبرین ۷-ده گئچیریلن نؤبه‌دن‌کنار جمهور باشقانلیغی سئچکیلرینده پرئزیدنت عبدالمجید تبون، بؤیوک فرق ایله غالیب گلیب
الجزایرده سپتامبرین ۷-ده گئچیریلن نؤبه‌دن‌کنار جمهور باشقانلیغی سئچکیلرینده پرئزیدنت عبدالمجید تبون، بؤیوک فرق ایله غالیب گلیب.
الجزایرین موستقیل میللی سئچکی اداره‌سینین باشقانی محمد شرفی مطبوعات کنفرانسیندا بیلدیریب کی، تبون سسلرین یوزده ۹۴،۶۵ توپلایاراق یئنیدن جمهور باشقانلیغا سئچیلیب.
شرفی، الجزایرده ایسلام یؤنوملو باریش جمعیتی حرکاتی‌نین نامزدی عبدالعلی حسنی شریف‌ین یوزده ۳،۱۷ سس توپلادیغینی، سوسیالیست قووه‌لر حرکاتی‌نین باش‌کاتیبی یوسوف اوشوشی‌نین ایسه سس‌وئرمه‌ده یوزده ۲،۱۶ سس ایله سونونجو یئری توتدوغونو قید ائتدی.
شرفی، سئچکیلره ایشتیراک نیسبتی‌نین یوزده ۴۸ اولدوغونو آچیقلادی.
۲۰۱۹-جو ایلده الجزایرده کوتلوی اجتماعی اعتیراضلار نتیجه‌سینده ۲۰ ایللیک حاکیمیتدن سونرا ایستعفا وئرمه‌لی اولان عبدالعزیز بوتفلیقه‌دن سونرا عبدالمجید تبون‌ون سئچکیلرده یوزده ۵۸ سس توپلایاراق اؤلکه‌نین یئنی پرئزیدئنتی اولوب.
تبون وظیفه‌سینی بیر دؤنم داها داوام ائتدیرمک اوچون موستقیل نامزد اولاراق نامیزدلی‌گینی ایره‌لی سوررکن؛ اوردونون، مئدیانین، دینی توپلولوقلارین، ایش‌وئرنلرین و بعضی سیاسی پارتیلرین دسته‌گی وار ایدی.
