آمریکاداکی آنکتلره گؤره، ترامپ و هریس باشا باش گئدیر

آمریکادا کئچیریلن پرئزیدئنت سئچکیلری ایله باغلی آپاریلان آنکتلره گؤره، جمهوریتچیلر پارتیسینین نامیزدی دونالد ترامپ و دموکراتلارین نامیزدی کامالا هریس باشا باش گئدیر.

نیویورک تایمز و سینا کالج آمریکادا نویابرین 5-ده کئچیریله‌جک پرئزیدئنت سئچکیلری ایله باغلی سورغو کئچیریب.

هریس‌ین 47 فایز باندین‌دا اولدوغونو گؤستر‌ن سورغو نتیجه‌لری ترامپین 48 فایزله 1 پیلله ایر‌لی‌ده اولدوغونو گؤستریب.

آمریکادا کئچیریلن سورغولارین اورتا گؤستریجی‌سینه گؤره، هریس 49 فایز سسله ترامپی 2 امتیاز قاباقلاییر.

سورغونون نتیجه‌لری گؤستریر کی، نامیزدلر سپتامبرین 10-دا کئچیریله‌جک تلویزیون مناظره‌سی اؤنجه‌سی یاریش‌دا اؤنده گئدیرلر.

سورغودا ایشتیراک ائد‌ن سئچیجیلرین دئمک اولار کی، 30 فایزی هریسین سیاسی مؤوقعیتی حاقین‌دا کیفایت قدر معلومات‌لی اولمادیغینی دئییر.

بو آرادا، اکثر سئچیجیلر ترامپین سیاسی باخیشلارینین بؤیوک اؤلچوده آیدین اولدوغونو دوشونور.

نویابرین 5-ده آمریکادا کئچیریله‌جک پرئزیدئنت سئچکیلری اؤنجه‌سی دونالد ترامپ و کامالا هریس سپتامبرین 10-دا ای.بی.سی کانالینین نیویورک‌داکی استودیاسین‌دا اوز-اوزه گله‌جکلر.