قیرغیزیستان-تورکیه دوستلوغو دؤلت خسته‌خاناسینا اردوغان‌ین آدی وئریلدی
قیرغیزیستان پرئزیدئنتی سدیر جباروو باشکند بیشکئک‌ده‌کی قیرغیزیستان-تورکیه دوستلوغو دؤلت خسته‌خاناسینا جمهور باشقانی رجب طیب اردوغان‌ین آدینی وئریب
قیرغیزیستان پرئزیدئنتی سدیر جباروو باشکند بیشکئک‌ده‌کی قیرغیزیستان-تورکیه دوستلوغو دؤلت خسته‌خاناسینا جمهور باشقانی رجب طیب اردوغان‌ین آدینی وئریب.
جمهور باشقانلیغی‌نین مطبوعات مرکزین‌دن وئریلن بیلگی‌لره گؤره، جباروو بیشکئک‌ده فعالیت گؤسترن قیرغیزیستان-تورکیه دوستلوق دؤلت خسته‌خاناسی‌نین بوندان سونرا «رجب طیب اردوغان» آدینین داشینماسینی نظرده توتان فرمانی ایمضالاییب.
بئله کی، خسته‌خانانین یئنی آدی «رجب طیب اردوغان قیرغیز-تورک دوستلوغو دؤلت خسته‌خاناسی» اولوب.
فرماندا «بیشکئک دؤلت قیرغیزیستان-تورک دوستلوق خسته‌خاناسینا قیرغیزیستان-تورکیه موناسیبتلرینین مؤحکملنمه‌سی و اینکیشافیندا مستثنی خیدمتلرینه گؤره تورکیه جمهور باشقانی رجب طیب اردوغان‌ین آدی وئریلیب" ایفاده‌سی ایشلدیلدی.
۷۲ یاتاقلی موعاصیر خسته‌خانا تورک امکداشلیق و کووردیناسیون آژانسی (تیکا) طرفیندن تیکیلیب و تجهیز ائدیلیب.
کووید-۱۹ ائپیدئمیسی زامانی ایستیفاده‌یه وئریلن خسته‌خانادا قیرغیزیستان و تورکیه حکیملری سون بیر ایلده بیر چوخ اوغورلو اورگان نقلی عملیاتی حیاتا گئچیریب.
