دونیا ان ایستی یایی گؤردو
ژوئن-آگوست ۲۰۲۴ اوچون دونیادا اؤلچوله‌ن ایستیلیک، ۱۹۹۱-۲۰۲۰ اورتالاماسینی ۰،۶۹ درجه، ژوئن-آگوست ۲۰۲۳ده‌کی رکوردو ۰،۶۶ درجه گئچدی
آوروپا بیرلیگینین کوپرنیکوس اویدو ایزله‌مه سیستمی، ۲۰۲۴ یایینین دونیادا "ان ایستی یای" اولاراق ثبت ائدیلدیگینی بیلدیردی.
کوپرنیکوسدان وئریله‌ن شرحه گؤره آگوست ۲۰۲۴، ۱۹۹۱-۲۰۲۰ ایستیناد اورتالاماسینین ۰،۷۱ درجه اوزرینه چیخاراق گلوبال اولاراق ان ایستی آگوست آیی اولدو.
ژوئن-آگوست ۲۰۲۴ اوچون دونیادا اؤلچوله‌ن ایستیلیک، ۱۹۹۱-۲۰۲۰ اورتالاماسینی ۰،۶۹ درجه، ژوئن-آگوست ۲۰۲۳ده‌کی رکوردو ۰،۶۶ درجه گئچدی.
بئله‌جه بو یای، گلوبال اؤلچکده "ان ایستی یای" اولاراق تانیملاندی.
۲۰۲۴ یایی، عینی زاماندا آوروپا اوچون ده ۱۹۹۱-۲۰۲۰ اورتالاماسینی ۱،۵۴ درجه، ۲۰۲۲ده‌کی اؤنجه‌کی رکوردو ۱،۳۴ درجه آشاراق "ان ایستی یای" اولدو.
راپوردا کوپرنیکوس ایقلیم دییشیکلیگی سرویسی (سی۳اس) مودور کؤمکچیسی سامانتا بورگسین بو ایفاده‌لرینه یئر وئریلدی:
"سون اوچ آیدا، دونیا ان ایستی ژوئن و آگوست آیلارینی، قئیدلرده‌کی ان ایستی گونو و قئیدلرده‌کی ان ایستی یایینی یاشادی. بو رکورد ایستیلیکلر سیلسیله‌سی، ۲۰۲۴ون قئیدلرده‌کی ان ایستی ایل اولما احتیمالینی آرتیریر. ایستی‌خانا گازی سالینیملارینی آزالتماق اوچون عاجیل تدبیر آلماساق بو یای شاهید اولدوغوموز ایستیلیکله باغلی آشیری حادثه‌لر، اینسانلار و گزه‌گن اوچون داها داغیدیجی نتیجه‌لر دوغوراجاق".
ایلگیلی‌لی خبرلر
محمد بن سلمان ایله ماکرون آراسیندا تلفون دانیشیغی باش توتوب
سعودی عربیستانی و فرانسا غزه و لوبنان‌داکی بحرانی موذاکیره ائدیب.
