ایسپانیا باش ناظیری تانیدیقلاری فیلیسطین دؤولتی ایله باغلی دانیشدی
"ایل سونوندان اول ایسپانیا و فیلیسطین دؤولتلری آراسیندا ایکیلی ذیروهنین ایلکینی گئرچکلشدیرهجییک"
ایسپانیا باش ناظیری پدرو سانچز، می آییندا رسمی اولاراق تانیدیقلاری فیلیسطین دؤولتی ایله ایلک ایکیلی ذیروهنی ایل سونوندان اول ائدجکلرینی آچیقلادی.
سانچز، یاز تعطیلی آراسیندان سونرا اؤنوموزدهکی سیاسی دؤورده حکومتینین اؤنجهلیکلرینه باغلی پایتاخت مادریددهکی سروانتس ایستیتوسوندا دانیشدی.
ایسپانیا باش ناظیری، "بیرلشمیش میللتلر یاخین شرقدهکی فیلیسطینلی موهاجیرلره کؤمک آژانسینی (UNRWA) دستکلهیهرک، بین الخالق جزا محکمهسینده ( ایسرائیل باش ناظیری بنیامین) نتانیاهو اوزرینده تضییق قورماغا داوام ائدرک، فیلیسطین دؤولتی ایله باغلاریمیزی سیخلاشدیراراق غزه خالقینا دستک اولماغا داوام ائدجییک" دئدی.
ایسپانیانین ۲۸ میده فیلیسطین دؤولتینی رسمی اولاراق تانیدیغینی خاطیرلادان سانچز، "بورادان آچیقلاماق ایستیرهم کی، ایل سونوندان اول ایسپانیا و فیلیسطین دؤولتلری آراسیندا ایکیلی ذیروهنین ایلکینی گئرچکلشدیرهجییک. ایسپانیا و فیلیسطین دؤولتلری آراسیندا موختلیف آنلاشمالارین ایمضالانماسینی گؤزلهدیگیمیز بیر ذیروه اولاجاق" شکلینده دانیشدی.
ایسرائیل خاریجی ایشلر ناظیری یسرائل کاتس، ۲ سپتامبردا سوسیال مئدیا حسابیندان وئردیگی شرحده، ایسپانیا باش ناظیری سانچزه سسلنهرک، "فیلیسطینی تانیمادا گئری آددیم آتماسینی" ایستهمیشدی.
ایسپانیا باش ناظیری سانچز، فیلیسطین دؤولتی ایله ایکیلی ذیروه ائدیلهجگینی آچیقلایاراق، ایسرائیل خاریجی ایشلر ناظرینه ده جاواب وئرمیش اولدو.
ایلگیلیلی خبرلر
تایلندده سئل ۳۳ جان آلدی
تایلندده شدتلی یاغیش و سئللرین ۷ ائلدهکی ۲۴ بؤلگهده تأثیرلی اولماغا داوام ائتدیگی بیلدیریلدی
