میصر جمهورباشقانی، تورکیه ایله یئنی دوستلوق و امکداشلیغین باشلادیغینی وورغولاییب

میصر جمهورباشقانی عبدالفتاح سیسی تورکیه ایله یئنی دوستلوق و امکداشلیغا باشلادیغینی وورغولاییب.

پرئزیدئنت رجب طیب اردوغان‌ین رسمی دعوتی ایله باشکند آنکارایا گلن سیسی X حئسابیندا وئردیگی آچیقلامادا تورکیه‌یه سفر ائتمکدن و جمهور باشقانی اردوغان ایله گؤروشمک فورصتی اولدوغوندان سئوینجلی اولدوغونو بیلدیریب.

میصر و تورکیه آراسیندا کؤکلو تاریخی علاقه‌لرین اولدوغونو وورغولایان سیسی، مصطفی کمال آتاتورک‌ون قورولدوغونو اعلان ائتدیگی گوندن تورکیه ایله میصر آراسیندا گوجلو سیاسی علاقه‌لرین اولدوغونا دقت چکیب.

سیسی دئییب کی، بوگونکو آنکارا سفری و جمهور باشقانی اردوغان‌ین قاهیره‌یه قاباقکی سفری، میصر و تورکیه آراسیندا یئنی دوستلوق و امکداشلیغا باشلاماق ایراده‌سینی عکس ائتدیریر.

میصر پرئزیدئنتی سیسی، تورکیه و میصرین بؤلگه و اولوسلار آراسی اؤنملی نقش‌لری اساسیندا، ایکی اؤلکه‌نین قارداش خالق‌ینین گؤزلنتیلرینی قارشیلادیغینی دقته چکیب.