آمریکا حماس‌ین 6 لیدرینه فرق‌لی اتهاملارلا ادعانامه حاضیرلادیغینی آچیقلادی

آمریکا عدلیه ناظیرلیگی،  اوکتیابر 2023-جو ایلده غزه‌ده حیاتا کئچیریلن ساواشلاردا ایشتیراک ائتدیکلرینه گؤره حماسین6 لیدرینه قارشی 7 فرق‌لی اتهاملا ادعانامه حاضیرلادیغینی آچیقلادی.

ناظیرلیک‌دن وئریلن آچیقلامایا گؤره، آمریکانین اوکتیابرین 7-دن سونرا حاضیرلادیغی ایلک ادعانامه‌ده ساواشیلارا گؤره حماس لیدرلری مسئولیت داشیییب.

ادعانامه‌ده حماسین کئچمیش سیاسی بوروسونون رهبری اولموش و ایرانین پایتاختی تهران‌دا سوئ قصد نتیجه‌سین‌ده حیاتینی ایتیر‌ن ایسماعیل هنیه، حماس سیاسی بوروسونون یئنی رهبری یحیی سینوار، حماسین خاریجی ایشلر رهبری خالید مشعل، قسام بریقادالارینین قوموتانی محمد الماسری (محمد ضیف)، مروان عیسی و علی باراکه "ترورچولوق" دا داخیل اولماقلا 7 موختلیف قونودا اتهام اولونوب.

ادعانامه‌ده 7 اوکتیابر ساواشیلارینین نئجه باش وئردیگی ایله باغلی آیرینتیلی ادعالار یئر آلدیغی حال‌دا، سؤزوگئدن آدلارین ادعا ائدیلن جینایتلرله نئجه علاقه‌سی اولدوغونا دایر ایفاده‌لر ده یئر آلیب.

مسئله ایله باغلی آمریکا مئدیاسینا دگرلندیرمه وئر‌ن، آدی آچیقلانمایان عدلیه ناظیرلیگینین رسمی‌سی، ادعانامه‌نین ماهیتجه 1 فئورال 2024-جو ایلده حاضیر اولدوغونو، لاکین اتهاملاردان بیرینین توتولماسی عرفه‌سین‌ده بو گونه قدر مؤهورلو قالدیغینی بیلدیریب.

مسئول، ایسماعیل هنیه‌نین اؤلدورولمه‌سی و بؤلگه‌ده باش وئر‌ن دیگر حادثه‌لر نتیجه‌سین‌ده ادعانامه‌نین مؤهورلو قالماسینا احتیاج اولمادیغینی قیمتلندیردی.

حماس لیدری هنیه ایولون 31-ده تهران‌دا اؤلدورول‌دو؛ ایران و حماس هنیه‌نین اؤلدورولمه‌سینین آرخاسین‌دا ایسرائیلین اولدوغونو بیان ائدیبلر.

ایسرائیل اوردوسو حماس لیدرلرین‌دن مروان عیسی‌نین مارت آیین‌دا، محمد ضیف ایسه ایول‌دا ائدیلن ساواش‌دا اؤلدورولدویونو ادعا ائتسه ده، حماس بو ادعالاری تصدیقله‌مه‌ییب.