آلمان‌ین ساکسونیا ایالتینده سئچکیلرده اوی کاغیذلارینین ساختالاشدیریلدیغی بیلدیریلیب
نامعلوم شخصلر سئچیجیلرین سس‌وئرمه کاغیذلارینا قویدوغو ایشارتلری «دَییشدیریب» و عوضینه ایفراطی ساغچی آزاد ساکسونیا (فریئه ساجهسئن) پارتیسینی قید ائدیبلر
آلمان‌ین ساکسونیا ایالتینده سپتامبرین ۱-ده گئچیریلن ایالت مجلیسی سئچکیلرینده اوی کاغیذلارینین ساختالاشدیریلدیغی بیلدیریلیب.
درئزدئن پلیس اداره‌سیندن وئریلن آچیقلامادا بیلدیریلیب کی، ساکسونیا ایالت مجلیسی سئچکیلر اوچون پست واسیطه‌سی ایله وئریلن سسلرین حئسابلانماسی زامانی درئزدئن شهریندکی ایکی سئچکی دایره‌سینده ساختالاشدیریلمیش رای کاغیذلاری تاپیلیب.
بیلدیریلیب کی، نامعلوم شخصلر سئچیجیلرین سس‌وئرمه کاغیذلارینا قویدوغو ایشارتلری «دَییشدیریب» و عوضینه ایفراطی ساغچی آزاد ساکسونیا (فریئه ساجهسئن) پارتیسینی قید ائدیبلر.
۱۰۰-ا یاخین سسین بو شکیلده دَییشدیریلدیگی و مسئله ایله باغلی آراشدیرما آپاریلدیغی قید ائدیلیب.
ایفراطی ساغچی آزاد ساکسونیا پارتیسی ۳۶۰۱۲ ساییلی سئچکی دایره‌سینده سسلرین یوزده ۱۰،۲ توپلاییب و بورادا سئچکی کاغیذلارینین «ساخلانیلدیغی» بیلدیریلیب.
