فیلیپینده فیرتینا و گوجلو یاغیشلار
سورعتی ساعاتدا ۹۰ کیلومئتره چاتان کولک قوزئی-دوغوداکی قوئزون ایالتینین شهر و قصبهلرینی ووروب
فیلیپینین قوزئیینده فیرتینا و گوجلو یاغیشلار نتیجهسینده ناقا شهرینده ۲ نفر اؤلوب.
مئتئورولوژی ادارهسینین وئردیگی آچیقلامایا گؤره، سورعتی ساعاتدا ۹۰ کیلومئتره چاتان کولک قوزئی-دوغوداکی قوئزون ایالتینین شهر و قصبهلرینی ووروب.
باسکند مانیلادا فیرتینا سببیندن درسلر و دؤلت ادارهلرینده ایش دایاندیریلیب.
اؤلکهنین ان سیخ مسکونلاشدیغی لوزون بؤلگهسیندهده فیرتینا خبردارلیغی ائدیلیب.
گوجلو یاغیشلار نتیجهسینده چایین داشماسی ائحتیمالی ایله ماریکینا چایی بویو اراضینین ساکینلری تخلیهیه حاضیر اولماغا چاغیریلیب.
فیرتینادان تأثیرلنن بیر چوخ لیماندا دنیز سیاحتلری مووقتی اولاراق دایاندیریلدیغی اوچون تخمینا ۲۲۰۰ یولجو و یوک ایشچیسی قاپالی وضعیتده قالیب.
فیرتینا سببیندن اونلارلا اؤلکه ایچی اوچوشلار دا دایاندیریلیب.
مسئوللار، بولاجان ایالتیندکی ایپو بندیندهکی سویون یاغیشلار سببیندن دئمک اولار کی، داشقین سویهسینه چاتدیغینی و بؤلگه ساکینلرینه تهلوکه یاراتمایاجاق میقداردا سو بوراخماغی پلانلاشدیردیقلارینی آچیقلاییب.
پلیس مسئوللاری داشقینلاردان ضرر چکن ناقا شهرینده ۲ نفرین اؤلدویونوده آچیقلاییب.
ایلگیلیلی خبرلر
ترامپ، داووس ایجلاسیندا روسیا-اوکراینا محاربهسینه سون قویماق اوچون آددیملار آتاجاغی مئساژینی وئریب
آمریکا پرئزیدئنتی ترامپ روسیا-اوکراینا محاربهسینه سون قویماق اوچون آددیملار آتاجاغی مئساژینی وئریب.
آمئریکادا، بیر گونده ۵۰۰-دن چوخ قاچاق موهاجیر توتولدو
نظاراته آلینان بعضی شخصلرین آدلار ی و تؤرتدییی جینایتلر نومونه اولاراق X-ده پایلاشیلدی
