برلین‌ده فیلیسطینه دستک آکسیاسی کئچیریلیب
فیلیسطین بایراق‌لاری داشییان نوماییشچی‌لر مترونون راتاوس استگلیتز ایستگاهینا قدر یورودولر.
آلمانیانین پایتاختی برلین‌ده فیلیسطینه دستک آکسیاسی کئچیریلدی. فریدناو محله‌سینده‌کی برسلاور میدانیندا، ایسراییلین فیلیسطینه قارشی هوجوم‌لارینا اعتراض ائتمک و فیلیسطین‌لیلرله هم رای‌لیک گؤسترمک اوچون توپ‌لانان یوزلرله اینسان داها سونرا یوروش تشکیل ائتدی.
فیلیسطین بایراق‌لاری داشییان نوماییشچی‌لر مترونون راتاوس استگلیتز ایستگاهینا قدر یورودولر.
آلمانیانین ایسراییله وئردیگی دستکی تنقید ائدن نوماییشچی‌لر "آلمانیا مالیه لشدیریر، نتانیاهو قیرغین ائدیر، شولتز آلقیشلاییر"، "ایسراییلی سیلاحلاندیرماغی دایاندیرین"، "بیز مین لرله، میلیونلاریق، هامیمیز فیلیسطینی لییک، "سویقیریمی دایاندیرین" و "سیونیزم اؤلدورور"شعارلارینی سسلندیردی‌لر.
یوروش گذرگاهی اوزرینده والتر شرایبر پلاتز مترو ایستگاهی‌نین یاخینلیغیندا بیر قروپ ایسراییل بایراق‌لارینی آچا‌راق نوماییشی تحریک ائتمه‌یه چالیشدی
نوماییش باشا چاتدیقدان سونرا پولیس بیر چوخ نوماییشچینی ساخلاییب.
پولیس ایله نوماییشچی‌لر آراسیندا زامان-زامان گرگین‌لیک یاشانارکن، پولیس نوماییشچی‌لره سرت شکیلده موداخیله ائدیب.
بیر نوماییشچی‌نین یئره یاتیریلا‌راق معالیجه ائدیلدیگی و داها سونرا عاجیل یاردیم ماشینی ایله خسته‌خانایا آپاریلدیغی گؤرولدو.
