پاپ فرانسیس، اوکراین دؤولتینی "کیلسهلره توخونمامایا" چاغیریب
کاتولیکلرین روحانی لیدری و واتیکانین پرئزیدئنتی پاپ فرانسیس، کیئو حکومتینین موسکوا پاتریک خانهسینه باغلی اوکراین پراووسلاو کیلسهسینین فعالیتینی قاداغان ائتمک قرارینی تنقید ائدیب.
کاتولیکلرین روحانی لیدری و واتیکانین پرئزیدئنتی پاپ فرانسیس، کیئو حکومتینین موسکوا پاتریک خانهسینه باغلی اوکراین پراووسلاو کیلسهسینین فعالیتینی قاداغان ائتمک قرارینی تنقید ائدیب.
واتیکاندا مقدس پتروس میدانینا باخان اوفیسینین پنجرهسیندن عنعنوی بازار نامازینی قیلان پاپا چیخیشیندا م-پاکس اپیدئمیسی و روسیه-اوکراین ساواشی ایله باغلی مئساژلار وئریب.
اوکراینین موسکوا پاتریکخانهسینه باغلی کیلسهلرین فعالیتینی قاداغان ائتمک قرارینا توخونان پاپا فرانسیس، "اوکراین و روسیهدهکی موناقیشهلری آغری-آجی ایله ایزلهمهیه داوام ائدیرم و اوکرایندا سون واختلار قبول ائدیلن قانونلاری نظره آلاراق، من بو اؤلکهده یاشایان دعا ائدن اینسانلارین آزادلیغیندان ناراحاتام. چونکی حقیقتن دعا ائدن بیری "هر زامان هر کس اوچون دعا ائدیر. دعا ائتمکله هئچ بیر ضرر اولماز. خاهیش ائدیرهم اؤز کیلسهلرینده دعا ائتمک ایستهیهنلره ایجازه وئرین. هئچ بیر خریستیان کیلسهسی بیرباشا و یا دولایی یوللا باغلانمامالیدیر" دئدی.
اوکراین پارلامئنتی آوقوستون 20-ده موسکوا پاتریکخانهسینه باغلی اوکراین پراووسلاو کیلسهسینین اؤلکهده فعالیتینی قاداغان ائدن قانون لاییحهسینی قبول ائدیب.
اوکراین پرئزیدئنتی ولادیمیر زلنسکی ده دونن قانونو ایمضالاییب و تصدیقلهییب.
