هریس سئچیلجه‌یی تقدیرده اوکراین-ی دسته‌کله‌یه‌جک
کامالا هریس ۵ نوامبر سئچکیلرینده سئچیلجه‌یی تقدیرده اوکراین-ی دسته‌کلمه‌یه داوام ائده‌جه‌یینی بیلدیریب
آمئریکانین باشقان یاردیمجیسی و ۵ نوامبر سئچکیلرینده دئموکراتلار پارتیسیندن جمهور باشقانلیغینا نامزد کامالا هریس سئچیلجه‌یی تقدیرده اوکراین-ی دسته‌کلمه‌یه داوام ائده‌جه‌یینی بیلدیریب.
دئموکراتلار پارتیسینین کوتلوی میللی کونقرئسینده چیخیش ائدن هریس دئییب: جمهور باشقانی کیمی من آچیق بیر شکیلده اوکراین‌ین و ناتو اوزره موتفیقلریمیزین طرفینده اولاجاغام.
هریس همچینین کیئوه روسیه‌نین هوجوموندان بئش گون اول (۲۰۲۲-جی ایلین فئورالی) ساواشین باشلایاجاغی ایله باغلی خبردارلیق ائتدیگینی و آمئریکانین دیپلوماتیک جاوابین حاضیرلانماسیندا ایشتیراک ائتدیگینی بیلدیریب.
هریس‌دن فرقلی اولاراق جمعوریتچیلر پارتیسینین نامزدی دونالد ترامپ بیر نئچه دفعه اوکراین-ا دسته‌یین محدودلاشدیریلمالی اولدوغونو بیلدیریب.
ترامپ آقوست آییندا وئردیگی آچیقلامادا اوکراین ساواشینی باشلاتان اساس سببلردن بیرینین جمهور باشقانی جو بایدن‌ین کییئوین ناتو-یا داخیل اولا بیلجه‌یی ایله باغلی "آخماق" آچیقلامالاری اولدوغونو بیلدیریب.
ترامپین سؤزلرینه گؤره، او، جمهور باشقانلیغیندان گئتدیکدن سونرا روسیه حؤکومتی دانیشیقلاردا الینی گوجلندیرمک اوچون اوکراین سرحدینه فعال شکیلده قوشون ییغماغا باشلاییب.
