هیندیستان و بنگلادش‌ده سئل‌لر نتیجه‌سین‌ده 15 نفر اؤلوب

ایلکین معلوماتلارا گؤره، هیندیستان و بنگلادش‌ده موسون یاغیشلارینین یاراتدیغی داشقینلار نتیجه‌سین‌ده 15 نفر حیاتینی ایتیریب، مینلرله اینسان ضرر چکیب.

هیندیستان مطبوعاتین‌دا یئر آلان خبرلره گؤره، تریپورا ایالتین‌ده موسون یاغیشلارینین یاراتدیغی سئل و تورپاق سوروشمه‌سی نتیجه‌سین‌ده 11 نفر اؤلوب.

هیندیستان مئتئورولوژی ایداره‌سی مینلرله اینسانین ائولرینی ایتیردیگی تریپورادا "قیرمیزی" خبردارلیق اعلان ائدیب.

تریپورایالتینین پایتاختی آقارتالا دا داخیل اولماقلا بیر چوخ بؤلگه سو آلتین‌دا قالارکن، تحصیل و تعلیملر 2 گون مدتینه دایاندیریلیب.

مسئوللار، مینلرله اینسانین ایالت ایچین‌ده آچیلان 300-دن چوخ یاردیم دوشرگه‌سینه آپاریلدیغینی آچیقلادی.

تریپورانین باش ناظیری مانیک ساها "بیز وضعیتی یاخین‌دان ایزلییریک و ائولرین‌دن دیدرگین دوشموشلره یاردیم گؤسترمه‌یه دقت یئتیریریک" دئدی.

بنگلادشین قونشوسو تریپورادا داشقینلار نتیجه‌سین‌ده 4 نفر اؤلوب.

بنگلادشین شرقین‌ده‌کی بیر چوخ بؤلگه داغیلمیش اولسا دا، "جومیللا، فئنی و نواخالی" داشقینلاردان ان چوخ ضرر چکمیشلر. سؤزوگئدن منطقه‌لرده الکتریک انرژی‌سی کسیلرکن، یول باغلانتیلاری دا پوزولوب.

دیگر طرف‌دن، پایتاخت دکه ایله جنوب-شرق‌ده‌کی چاتوقرام لیمان شهری آراسین‌داکی اساس یولون بیر حیسه‌سی سو آلتین‌دا قالدیغی اوچون نقلیاتین حرکتی دایاندیریلیب.

آختاریش-قورتارما ایشلرین‌ده ایشتیراک ائد‌ن کؤنول‌لولر موبایل تلفونلارینا چاتا‌بیلمدیکلرین‌دن ضررچکنلرله علاقه ساخلایابیلمدیکلرینی بیلدیریبلر.

بنگلادش حکومتی بیر چوخ بؤلگه‌ده الکتریک انرژی‌سینین اولمادیغینی آچیقلاییب.