چین: دونیادا نوکلئر ریسکلرینین و ایستراتژیک تهلوکهلرین اساس قایناغی آمریکادیر
چین آمریکا پرئزیدئنتی جو بایدنین "چین تهدیدینه یئنیدن دقت یئتیرن گیزلی نوکلئر ایستراتژیسینی" تصدیقلدیگی ادعاسینا رئاکسیا وئریب.
چین آمریکا پرئزیدئنتی جو بایدنین "چین تهدیدینه یئنیدن دقت یئتیرن گیزلی نوکلئر ایستراتژیسینی" تصدیقلدیگی ادعاسینا رئاکسیا وئریب.
چین خاریجی ایشلر ناظیرلیگینین سؤزچوسو "ماو نینگ"، پایتاخت پکنده کئچیردیگی مطبوعات کونفرانسیندا، آمریکانین نیویورک تایمز قزئتینین درج ائتدیگی خبری دیرلندیریب و بئله دئدی:
آمریکا سون ایللرده چینی "نوکلئر تهدید" کیمی آدلاندیریب و بوندان نوکلئر سیلاحسیزلانما مسئولیتیندن یایینماق، نوکلئر مهماتینی گئنیشلندیرمک و موطلق ایستراتژیده اوستونلوک الده ائتمک اوچون بهانه کیمی ایستیفاده ائدیر، اساسیندا دونیادا نوکلئر ریسکلرینین و ایستراتژیک تهلوکهلرین اساس قایناغی آمریکادیر.
چینین نوکلئر مهماتینین اؤلچوسونون هئچ بیر حالدا آمریکا ایله عینی سوییهده اولمادیغینی وورغولایان ماو، "چین نوکلئر سیلاحینی "ایلک ایستیفاده ائدن اولماماق" سیاستینی ایزلییر و نوکلئر پوتانسیالی طلب اولونان ان آز سوییهده ساخلاییر. بیز باشقا اؤلکهلرله سیلاحلانما یاریشینا گیرمک فیکرینده دئییلیک" دئدی.
آمریکانین دونیادا ان بؤیوک و ان اؤنجو نوکلئر مهماتینا صاحب اولدوغونا و "ایلک ایستیفاده ائدن" اولماسینا اساسلانان نوکلئر قارشیسینین آلینماسی سیاستینه صادق اولدوغونا دقت چکن ماو، واشینگتون حکومتینی نوکلئر سیلاحلارینی آزالتماقلا و ترکسیلاحینه یؤنلیک "خصوصی و اساس" مسئولیتینی یئرینه یئتیرمهیه چاغیریب.
ماو، "آمریکا نوکلئر پایلاشیم، جایدیرمانین یاییلماسی و نوکلئر اتفاقینین گئنیشلندیریلمهسی کیمی گلوبال و بؤلگهسل باریشا خلل گتیرهجک منفی آددیملارینی دایاندیرمالیدیر" دئدی.
"نیویورک تایمز" قزئتی ادعا ائدیب کی، پرئزیدئنت بایدن مارت آییندا آمریکا اوردوسونا آمریکانین نوکلئر قارشیسینین آلینماسی ایستراتژیسینی ایلک دفعه اولاراق اونون سرعتلی گئنیشلهنمهسینه، خصوصاً ده چینین نوکلئر تکنولوژلرینه و سیلاحلارینا قارشی یئنیدن تشکیل ائتمک گؤستریشی وئریب.
خبرده آغ ائوین بایدنین قرارینی آچیقلامادیغی و "نوکلئر یئرلشدیرمه بلدچیسی" آدلی ایستراتژیده روسیه، چین و قوزئی کوره ایله مومکون کوردیناسیونلو نوکلئر موناقیشهلرینه قارشی حاضیرلیق پلانلارینین اولدوغونو ادعا ائتدیگی وورغولانیب.
