بمت:"غزه ده تهلوکه‌سیز یئر قالماییب"

بیرلشمیش میللت‌لر تشکیلاتی‌نین اورتادوغوداکی فیلیسطینلی سیغینماچیلارا کؤمک و باییندیرلیق آژانسی (اونروا) ایسراییل اوردوسونون هوجوم‌لارینی داوام ائتدیردیگی غزه زولاغیندا تهلوکه‌سیز یئر قالمادیغی باره‌ده خبردارلیق ائدیب.

اونروانین غزه‌کی مسئولو لوئیز واتریج اؤزونون ایکس سوسیال مئدیا حسابینداکی پای‌لاشیمیندا دئییب: "آرتیق غزه‌ده تهلوکه‌سیز یئر یوخ‌دور، اینسان‌لار سانکی اؤلومو گؤزلییرلر". دئییب.

اونروانین یئتکیلیسی وورغولاییب کی، "ایسراییلین اینسانی بولگه اولاراق آدلاندیردیغی اراضی‌لر اؤن جبهه خطینه چئوریلیب" و غزه لیلر ایندی "جبهه خطیندن ساده جه بیر نئچه بلوک اوزاقدا‌دیر".

ایسراییلین 7 اوکتبردان بری غزه زولاغینا تشکیل ائتدیگی هوجوم‌لاردا ان آز 16 مین 480-ی اوشاق، 10 مین 980-ی قادین اولماقلا 40 مین 223 فیلیسطین‌لی اؤلوب، 92 مین 981-ی یارالانیب.

داغینتی‌لار آلتیندا هله ده مین‌لرله اؤلو اولدوغو بیلدیریلرکن، اینسان‌لارین سیغیندیغی خسته‌خانا و تحصیل موسسه‌لری هدف آلینا‌راق سیویل آلت یاپی دا محو ائدیلیر.