آمریکا جنوبی کره‌یه هلیکوپتر ساتیشینی تصدیقله‌دی
آمریکا خاریجی ایشلر ناظیرلیگینین، جنوبی کره‌یه ۳،۵ میلیارد دلارلیق ۳۶ "آ.ح-۶۴ای آپاچی" وئرتول هلیکوپتری و تجهیزاتین گؤندریلمه‌سینه تصدیق وئردیگی ایفاده ائدیلدی
آمریکا بیرلشمیش دؤولتلری خاریجی ایشلر ناظیرلیگی، جنوبی کره‌یه تخمیناً ۳،۵ میلیارد دلار دگرینده آپاچی هلیکوپتری و تجهیزاتی ساتیشینی تصدیقله‌دی.
پنتاگونا باغلی مدافعه تهلوکه‌سیزلیک و امکداشلیق آژانسیندان وئریلن یازیلی آچیقلامادا، آمریکا خاریجی ایشلر ناظیرلیگینین، جنوبی کره‌یه ۳،۵ میلیارد دلارلیق ۳۶ "آ.ح-۶۴ای آپاچی" وئرتول هلیکوپتری و تجهیزاتین گؤندریلمه‌سینه تصدیق وئردیگی ایفاده ائدیلدی.
ساتیش تصدیقینه باغلی کنگره‌یه بیلدیریم گؤندریلدیگی بیلدیریله‌ن آچیقلامادا، هلیکوپلرین، جنوبی کره‌نین هیند-پاسیفیک بؤلگه‌سینده‌کی سیاسی ثابیتلیگینی و تهلوکسیزلیگینی آرتیرما سعیلرینه قاتقی تامین ائدجگی قئید ائدیلدی.
اؤته یاندان مدافعه تهلوکه‌سیزلیک و امکداشلیق آژانسیندان وئریله‌ن بیر باشقا آچیقلامادا دا، استرالیایا، دگری تخمیناً ۱۰۰ میلیون دلار اولان ۳۵۰ جاولین موشکینین ساتیشینا دا ناظیرلیک طرفیندن تصدیق وئریلدیگی کؤچورولدو.
آچیقلامادا، سؤزو گئدن ساتیشلا، استرالیا اوردوسونون "بو آن و گله‌جکده‌کی تهدیدلری قارشیلاما قابیلیتینین" اینکیشاف ائتدیرمه‌سینین هدفلندیگی ایفاده ائدیلدی.
ایلگیلی‌لی خبرلر
شیمالی کره‌‌دن ناتویا تپکی
"ناتو، آمریکا بیرلشمیش دؤولتلرینین ساواش واسطه‌سیندن باشقا بیر شئی دئییل"
