ایسرائیل‌ غزه‌ده ۸۸۵ ساغلیق چالیشانی و ۲۸۹ اینسانی یاردیم چالیشانی‌نی اؤلدوردو

اکتبرون ۷دن ایسرائیل‌ین غزه‌یه ائتدیگی هوجوملاردا ۸۸۵ ساغلیق چالیشانی و ۲۸۹ اینسانی یاردیم چالیشانی حیاتینی ایتیریب.

بیرلشمیش میلتلر تشکیلاتی‌نین فیلیسطین‌لی قاچقینلارا یاردیم و ایشلر اوزره آژانسی (اونروا) باش کومیسری فیلیپ لازارینی سوسیال مئدیا حئسابیندا دونیا اینسانی یاردیم گونو موناسیبتی ایله مئساژ پایلاشیب.

فیلیپ لازارینی غزه‌ده مؤوجود اولان بوتون ساواش قایدالارینین پوزولدوغونو و مسئولییت داشییانلارین جاواب وئرمه‌لی اولدوغونو بیلدیریب.

اکتبرون ۷دن اعتباراً غزه‌ده حیاتا گئچیریلن هوجوملاردا ۲۰۷-سی اونروا اولماقلا ۸۸۵ ساغلیق چالیشانی و ۲۸۹ اینسانی یاردیم چالیشانی‌نین اؤلدوغونو بیلدیرن لازارینی، اونلارین بیر چوخونون وظیفه یئرینه یئتیررکن هدف آلیندیغینا دقت چکیب.

لازارینی غزه‌یه ائدیلن هوجوملاردا ۱۶۰دان چوخ ژورنالیست و مئدیا ایشچیسینین اؤلدویونو‌ ده خاطیرلادیب.