نیجریه‌ده داشقینلار

باتی آفریقا اؤلکه‌لریندن بیری اولان نیجریه‌ده داوام ائدن لئیسان یاغیشلارین سبب اولدوغو داشقینلاردان ۲۲۷ مین‌دن چوخ اینسان ضرر چکیب.
نیجریه میللی فوق‌العاده حاللارین اداره اولونماسی آژانسی‌نین (نئما) سؤزچوسو ائزئکیئل مانزو وئردیگی آچیقلامادا، داوام ائدن یاغیشلار سببین‌دن ۲۷ ایالت‌ده داشقینلارین باش وئردیگینی بیلدیریب.

۲۲۷ مین ۴۹۴ آدامین داشقینلاردان ضرر چکدیگینی قید ائدن مانزو، ۳۲ مین ۸۳۷ ائوین ضرر گؤردویونو بیلدیریب.

داشقینلار سببی ایله ۱۶ مین ۴۸۸ هئکتار کند اکین یئرلرینه زیان دیدیگینی بیلدیرن مانزو، میللته داشقینلارا سورعتلی تپکی اوچون حاضیر اولمالارینی تووصیه ائدیب.

نیجریه‌نین سو ناظیرلیگی اؤلکه‌نین بعضی بؤلگه‌لرینده گوجلو یاغیش و داشقینلارلا باغلی خبردارلیق ائدیب.