آلمان موسیقی فئستیوالیندا دؤنمه چارخیندا یانغین باش وئردی

آلمان‌ین لئیپسیق شهرینده گئچیریلن موسیقی فئستیوالیندا دؤنمه چارخیندا باش وئرن یانغین نتیجه‌سینده ۲۳ نفر یارالاندی.

آلمان خبر آژانسی پولیسه ایستینادن خبر وئریر کی، هیگهفیئلد موسیقی فئستیوالیندا دؤنمه چارخیندا یانغین باش وئریب.

ایلکین بیلگی‌لره گؤره، دؤنمه چارخینین آلتینداکی اشیا نامعلوم سببدن یانیب و آلوو قوندولایا گئچیب.

حادیثه نتیجه‌سینده ۲۳ نفر یارالانیب.
پولیس امکداشلاری و ایلک یاردیم اکیبی عوضولری‌ ده داخیل اولماقلا ۱۶ نفره طیبی یاردیم ائدیلیب. 

حادیثه ایله باغلی آراشدیرمالارا باشلانیلیب.