تایلند آنایاسا محکمهسی باش ناظیری وظیفهدن آلدی
تایلندین آنایاسا محکمهسی باش ناظیری سرتا تاویسینین "کابینه نی قورارکن ائتیک قایدالارینی پوزدوغو" سببیله توتدوغو وظیفهدن آزاد ائدیلمهسینه قرار وئریب.
تایلندین آنایاسا محکمهسی باش ناظیری سرتا تاویسینین "کابینه نی قورارکن ائتیک قایدالارینی پوزدوغو" سببیله توتدوغو وظیفهدن آزاد ائدیلمهسینه قرار وئریب.
آنایاسا محکمهسی باش ناظیر تاویسین کابینه عضولریندن پیچیت چونبانی" قانونسوز اولاراق تعیین ائتدیگی" اساسی ایله وظیفهسیندن آزاد ائدیلمهسی طلب ائدیلن باش ناظیر تاویسین ایله باغلی قرارینی آچیقلاییب.
محکمه تاویسین "کابینه قورارکن ائتیک قایدالاری پوزدوغو" اساسی ایله 5 علیهینه 4 سسله ایشدن چیخاریلماسینی تصدیقلهییب.
قرارا اساساً، پارلامنت یئنی باش ناظیر تصدیق ائدنه قدر حاضیرکی کابینه اؤز صلاحیتلرینی داوام ائتدیرهجک.
مایین 23-نده تایلندین آنایاسا محکمهسی اؤلکهنین 40 سناتورونون ایمضاسی ایله باش ناظیر سرتا تاویسینین وظیفهسیندن آزاد ائدیلمهسی طلبی ایله مراجعتی قبول ائدیب.
2008-جی ایلده تایلندین کئچمیش باش ناظیر تاکسین شیناواترانین وکیلی اولاراق تورپاق آلیم-ساتیش ایشینه صدرلیک ائدن حاکمه 2 میلیون تایلند باهتی روشوت وئرمهیه چالیشدیغی اوچون 6 آی حبس اولونان چونبان، آپریل 2024 سونوندا ائدیلن تعیینلرله کابینه عضوو اولدو.
وظیفهلندیرمهیه قارشی چیخان 40 سناتور، باش ناظیر تاویسینین "محکوم ائدیلمیش جینایتکار" اولان چونبانین ناظیر اولماق اوچون اویغون اولمادیغینی بیلمهلی اولدوغونو ادعا ائتدی و "قانونسوز تعیینات" اولدوغونو بیلدیریب آنایاسا محکمهسینه باش ناظیرین وظیفهدن آزاد ائدیلمهسینی طلب ائدن دیلکچه تقدیم ائتدی.
چونبان موباحیثهدن سونرا مایین 21-ده وظیفهسیندن ایستعفا وئریب.
ایلگیلیلی خبرلر
قوزئی کوره ایلک دفعه اولاراق اورانیوم زنگینلشدیریلمهسی تاسیسینی ایجتیماعیته آچیقلاییب
قوزئی کوره ایلک دفعه اولاراق "اورانیوم زنگینلشدیریلمهسی تاسیسینی" ایجتیماعیته آچیقلادی.
