آفریقادا شدتلی یاغیشلار حیاتا منفی تاثیر ائدیر
"داها یاغیش مؤوسومونون ایلک ایکی آییندا بو شدتده یاغیشلارین اولماسی قایغی وئریجی اؤلچولرده. بو آنا قدر ۷۰۰ میندن چوخ آدام بو سئللردن منفی تاثیرلنمیش وضعیتده"
اورتا و غربی آفریقادا، ۲ آیدیر تأثیرلی اولان شدتلی یاغیشلارین سبب اولدوغو سئللرین ۷۰۰ میندن چوخ آداما تأثیر ائتدیگی آچیقلاندی.
بیرلشمیش میللتلر باش کاتیب سؤزچو کؤمکچیسی فرهان حاق، تشکیل ائتدیگی مطبوعات کنفرانسیندا، شدتلی یاغیشلارین و سئل فلاکتینین اورتا آفریقا جمهوریتی، چاد، فیل دیشی ساحلی، کونگو دموکراتیک جمهوریتی، لیبریا، نیجر، نیجریه، مالی و توگویا تأثیر ائتدیگینی سؤیلهدی.
یوز مینلرله آداما تأثیر ائدن شدتلی یاغیشلارین سبب اولدوغو سئللردن بؤیوک قایغی دویدوقلارینی ایفاده ائدن حاق، "داها یاغیش مؤوسومونون ایلک ایکی آییندا بو شدتده یاغیشلارین اولماسی قایغی وئریجی اؤلچولرده. بو آنا قدر ۷۰۰ میندن چوخ آدام بو سئللردن منفی تاثیرلنمیش وضعیتده" دئدی.
حاق، فلاکتین اؤلچولری قارشیسیندا بیرلشمیش میللتلرین اورتاقلارییلا امکداشلیق ائدرک، تأثیرلنهن اؤلکهلره دستگینی سیخلاشدیردیغینی، غذا پایلاماسی، سیغینما، سو و سو آریتیمی خیدمتلری تامین ائتمهیه چالیشدیقلارینی قئید ائتدی.
بیرلشمیش میللتلر مرکزی عاجیل مداخیله صاندیغی بو ایل سئلدن تأثیرلنهن کونگو دموکراتیک جمهوریتی و نیجر حکومتلرینه جمعی ۱۰ میلیون دلار کؤمک ائتمیشدی.
