فرانسهدان ایسرائیله نروژ تپکیسی
فرانسه ایسرائیلین نروژلی دیپلوماتلارین آکرئدیتاسیونونو لغو ائتمهسیندن "درین ناراحات اولدوغونو" بیلدیریب.
فرانسه ایسرائیلین نروژلی دیپلوماتلارین آکرئدیتاسیونونو لغو ائتمهسیندن "درین ناراحات اولدوغونو" بیلدیریب.
فرانسه خاریجی ایشلر ناظیرلیگی ایشغال آلتینداکی فیلیسطین تورپاقلاریندا نروژ نومایندهلیگینده چالیشان دیپلوماتلارین ایسرائیل طرفیندن آکرئدیتاسیونونو لغو ائتمهسی ایله باغلی یازیلی آچیقلاما وئریب.
آچیقلامادا، ایسرائیلین فیلیسطین حکومتی ایله ایشلهین نروژ دیپلوماتلارینین آکرئدیتاسیونونو لغو ائتمه قراری ایله باغلی "درین ناراحاتلیق" اولدوغو بیلدیریلیب.
بیاناتدا همچینین قئید اولونوب کی، یالنیز ایکی دؤولتلی حل ایسرائیللیلر و فیلیسطینلیلر اوچون داواملی باریشی تامین ائدهبیلر.
آوقوستون 8-ینده ایسرائیل فیلیسطین دؤولتینی تانیدیغینی اعلان ائدن نروژین فیلیسطیندهکی دیپلوماتیک نمایندهلرینین آکرئدیتاسیونونو لغو ائتدیینی آچیقلاییب.
نروژ مایین 28-ده فیلیسطین دؤولتینی رسمن تانیدیغینی اعلان ائدیب. ایسرائیل ایسه فیلیسطین دؤولتینی رسمن تانییان ایرلند و نروژدهکی سفیرلرینی چاغیریب.
نروژ فیلیسطین دؤولتینی ایرلند و ایسپانیا ایله عینی واختدا تانیماغا قرار وئردیکدن سونرا فیلیسطین دؤولتینی تانییان اؤلکهلرین ساییسی 146-یا یوکسلدی.
ایلگیلیلی خبرلر
ویتنامدا سئل زامانی 233 نفر اؤلدو
ویتنامین شیمال حیسهسینده سئل و داشقین نتیجهسینده 233 نفر هلاک اولوب، داها 823 نفر ایسه خسارت آلیب.
