5 اؤلکهدن غزه چاغیریشی؛ بوتون طرفلر مسئولیتلرینی یئرینه یئتیرملیدیرلر
آمریکا، بؤیوک بریتانییا، فرانسه، آلمان و ایتالیا بیرگه بیانات وئرهرک، "ایتیرهجک داها چوخ واخت یوخدور، بوتون طرفلر مسئولیتلرینی یئرینه یئتیرملیدیرلر" اویاریسی ائتدیلر.
آمریکا، بؤیوک بریتانییا، فرانسه، آلمان و ایتالیا غزه زولاغیندا آتشکسین مومکون قدر تئز تامین ائدیلمهسی اوچون بیرگه بیانات وئرهرک، "ایتیرهجک داها چوخ واخت یوخدور، بوتون طرفلر مسئولیتلرینی یئرینه یئتیرملیدیرلر" اویاریسی ائتدیلر.
آمریکا، اینگیلتره، فرانسه، آلمان و ایتالیا بیرگه یازیلی آچیقلاما وئرهرک، یاخین شرقده گرگینلیین آزالدیلماسینی و غزهده بیر آن اؤنجه آتشکسین تامین ائدیلمهسینی ایستهییب.
بیاناتدا یاخین شرقده گرگینلیین آزالدیلماسی و غزهده آتشکسین یارادیلماسینا هرطرفلی دستک وئریلدیگی وورغولانیب و بونلار قئید ائدیلیب:
"بیز آمریکا پرئزیدئنتی جو بایدن، میصر پرئزیدئنتی السیسی و قطر امیری شیخ تمیمین آتشکس راضیلاشماسینی مومکون قدر تئز باشا چاتدیرماق اوچون دانیشیقلارا بو هفته یئنیدن باشلاماق چاغیریشینی دستکلهییریک و وورغولاییریق کی، آرتیق بوش وئریلهجک واخت یوخدور. بوتون طرفلر مسئولیتلرینی یئرینه یئتیرملیدیرلر."
بیاناتدا، ایسرائیلین ایرانا قارشی اؤزونوساوونماسینا هر جور دستگین داوام ائدجگی و "ایرانی ایسرائیله قارشی نیظامی سالدیری تهدیدلرینه سون قویماغا چاغیریریق" ایفاده ائدیلدی. بیاناتدا بئله بیر سالدیرینین بؤلگه تهلوکهسیزلیک اوچون جدی نتیجهلرینین اولاجاغی وورغولانیب.
غزهده آتشکس چاغیران آمریکا رهبرلیگی کئچن هفته ایسرائیله 3.5 میلیارد دولارلیق نیظامی یاردیمی تصدیقلمیش و بو آددیم آمریکا و بین الخالق ایجتیماعیتده تپکی ایله قارشیلانمیشدی.
آوقوستون 10-وندا فیلیسطینلیلرین سحر نامازی اوچون دراج منطقهسینده توپلاشدیغی مینلرله سیویل وطنداشین غزه شهرینین درج محلهسینده سیغیندیغی الطبیین مکتبینه ایسرائیل اوردوسو هاوا سالدیریسی حیاتا کئچیریب و ان آزی 100 فیلیسطینلی هلاک اولوب.
اوکتیابرین 7-سیندن بری ایسرائیلین غزه زولاغینا ائتدیگی سالدیریلاردا اؤلنلرین عمومی ساییسی 40 مینه چاتیب.
ایلگیلیلی خبرلر
ایتالیا کولتور باخانی ایستعفا وئریب
ایتالیادا ساغچی ائتلاف حؤکومتینین کولتور ناظیری گئننارو سانقیولیانو، ایستعفا وئریب
