نیجریه‌ده 13 غیری-قانونی نفت تاسیسی داغیدیلیب
آفریقانین نفت و طبیعی گازلا زنگین اؤلکه‌سی نیجریه‌ده قاچاقچیلیق یولو ایله گتیریلن خام نفتین غیری-قانونی اوره‌تیلدیگی 13 تاسیس داغیدیلیب.
آفریقانین نفت و طبیعی گازلا زنگین اؤلکه‌سی نیجریه‌ده قاچاقچیلیق یولو ایله گتیریلن خام نفتین غیری-قانونی اوره‌تیلدیگی 13 تاسیس داغیدیلیب.
اؤلکه‌نین نفت بؤلگه‌سی اولان نیگر دلتاسین‌دا اوردو نفت قاچاقچیلارینا قارشی هاوا عملیاتلاری حیاتا کئچیریب.
عملیاتلار زامانی 13 غیری-قانونی نفت اوره‌تیم تاسیسی محو ائدیلیب. نفت داشییان 10 تانکر و چوخلو قالون اله کئچیریلیب.
نیجریه‌ده نفت اوغورلوغو اؤلکه ایقتیصادینا منفی تأثیر گؤستریر.
اؤلکه‌ده آرتان نفت اوغورلوغو و بورو کمرلرینه سالدیرلار سببین‌دن 2023-نجو ایلده 3 میلیارد دولاردان چوخ ضررین اولاجاغی آچیقلانیب.
نیجریه‌نین معین ائدیلمیش نفت ارزرولری تخمیناً 37 میلیارد بوشکادیر و دونیا رزرولرینین 3.1 فایزینی تشکیل ائدیر.
خام نفت اوره‌تیمین‌ده دونیانین ایلک 15 اؤلکه‌سی آراسیندا یئر آلان نیجریه دونیادا ان چوخ نفت رزروینه مالیک 8-ینجی، نفت ایخراجینا گؤره ایسه 6-ینجی اؤلکه‌دیر.
نفت یاتاقلارینین یئرلشدیگی دلتا بؤلگه‌سین‌ده سیلاح‌لی قروپلار طرفین‌دن نفت معد‌نلرینین تخریباتی، موناقیشه‌لر، آدام اوغورلوغو کیمی حادثه‌لر باش وئریر.
