فرانسه، آلمان و اینگیلترهنین غزهده سیویل اهالی حاقیندا بیرگه آچیقلاماسی
فرانسه پرئزیدئنتی امانوئل ماکرون، آلمان باش ناظیری اولاف شولز و اینگیلترهنین باش ناظیری کیر استارمر غزهده سیویل اهالینین "عاجیل و انگلسیز یاردیمین چاتدیریلماسینا و پایلانماسینا ایحتیاجی اولدوغونو" وورغولادیلار.
فرانسه پرئزیدئنتی امانوئل ماکرون، آلمان باش ناظیری اولاف شولز و اینگیلترهنین باش ناظیری کیر استارمر غزهده سیویل اهالینین "عاجیل و انگلسیز یاردیمین چاتدیریلماسینا و پایلانماسینا ایحتیاجی اولدوغونو" وورغولادیلار.
ماکرون، شولز و استارمرین یایدیغی بیرگه بیاناتدا، واسطهچی اؤلکهلر اولان آمریکا، میصر و قطرین ایسرائیل و حماس آراسیندا اسیر موبادیلهسی و غزه زولاغیندا آتشکس اوچون دانیشیقلارا باشلاماق چاغیریشینین ممنونیتله قارشیلاندی و دستکلهندی بیلدیریلیب.
بیاناتدا دانیشیقلارین باشلانماسیندا "داها لنگیمهنین مومکون اولمادیغی بارهده راضیلیغا گلیندیگی" بیلدیریلیب و علاوه ائدیلیب: "گرگینلیین آرتماسینین قارشیسینی آلماق اوچون بوتون طرفلرله ایشلییریک، ثابتلیگه گئدن یول تاپیلماسی و گرگینلیین آزالدیلماسی اوچون تلاشلاریمیزی اسیرگمیهجگیک.
بیرگه بیاناتدا، "قارشیدورمالارین درحال سونا چاتماسی و محبوسلارین آزاد ائدیلمهسینین واجیبلیگی ایفاده ائدیلهرک، "غزه خالقینین عاجیل و غیری-محدود یاردیم چاتدیریلماسی و پایلانماسینا ایحتیاجی وار" قیمتلندیرمه آپاریلیب.
آمریکا، میصر و قطر نونن یاییملادیقلاری بیرگه بیاناتدا ایسرائیل و حماسی، میصرین پایتاختی قاهیرهده و یا قطرین پایتاختی دوحهده آوقوستون 15-ینده غزهده آتشکس و اسیر موبادیلهسی اوچون دانیشیقلارا یئنیدن باشلاماغا چاغیریب.
