برزیلده یولچو اوچاغی دوشدو

برزیلده ۵۸ یولچو و ۴ نفرلیک خدمه داشییان اوچاق، مسکون یئره دوشدو.

اوچاقدان قورتولان اولمادیغی بیلدیریلدی.

کاسکاول شهریندن کورولوسا گئدن وپاس هاوا یوللارینا عاید آتار-۷۲ تیپی اوچاق، ۵۸ یولچوسو و ۴ نفرلیک خدمه‌سی ایله سائو پائولونون شیمالینداکی وینهدو شهرینده مسکون یئره دوشدو.

برزیل مطبوعاتیندا چیخان خبرلرده، اوچاقدان قورتولان اولمادیغی ایفاده ائدیلدی.

برزیل دؤولت باشقانی لوئیس ایناسیو لولا دا سیلوا دا اوچاقدا‌کیلارین هامیسینین حیاتینی ایتیردیگینی ایفاده ائد‌رک، اؤلنلرین عائله‌لرینه باش‌ساغلیغی دیله‌دی.

سوسیال مئدیایا یایینلانان گؤرونتولرده، اوچاغین اؤز اطرافیندا دؤنه‌رک دوشمه‌سی یئر آلیر. سانحه یئرینه اطفاعیه قروپلارینین چاتدیغی و اوچاغین آلوو آلدیغی گؤرونتولرده یئر آلدی.