ونزوئلا X پلاتفورمونا گیریشی بلوکلادی

وئنزوئلا جمهور باشقانی نیکولاس مادورو X سوسیال مئدیا پلاتفورمونا گیریشی بلوکلادی.

باشقانلیق سئچیمی سونوجلارینین موذاکیره ائدیلدیغی بو اؤلکه‌ده، X-ه گیریشین بلوکلانماسی، بو پلاتفورمون صاحیبی ایلان ماسک ایله گرگینلیغی آرتیردی. 

نیکولاس مادورو اؤلکه‌نین مخابرات اورگانی کوناتئل طرفیندن تقدیم ائدیلن قراری ایمضالاییب، اوللر تویتئر کیمی تانینان X پلاتفورمونا گیریشی ۱۰ گون مدتینه بلوکلاییب  ماسکی نیفرت، وطنداش ساواشی موحاریبه‌سی و اؤلوم حدینه چاتدیرماق ایله ایتیهام ائدیب.

مادورو دؤلت تئلئوزیونوندا چیخیشیندا دئییب: "X وئنزوئلانی۱۰ گون ایچینده ترک ائت!". 

مادورو و ماسک X  اوزرینده موباحیثه ائدیردیلر.

ماسک مادورونو ائششه‌یه بنزه‌دیر، مادورو ایسه ماسکی اؤلکه‌سینده جولای آیینین ۲۸-ده گئچیریلن جمهور باشقانلیغی سئچکیلرین‌دن سونرا باشلایان نوماییشلرین آرخاسیندا دوران قووه اولماق ایله ایتیهام ائدیب.

X و وئنزوئلا آدینا دؤلت کانالیندا موباحیثه ائدن مادورو و ماسک بیربیرلرینین دؤیوش تکلیفلرینی قبول ائدیبلر.

بو هفته باشیندا مادورو، داها اول طرفدارلارینی فیس‌بوک-ون دا صاحیبی اولان مئتا-نین و واتساپ-دان ایستیفاده‌نی دایاندیرماغا، اونلارین یئرینه تلگرام و یا وی‌چت-دن ایستیفاده ائتمه‌یه چاغیراراق، بو پلاتفورملارین عسگر و پلیس مأمورلارینین عائله‌لرینی تهدید ائتمک اوچون ایستیفاده ائدیلدیگینی دئمیشدی.