فرانسهلی موخالیف نومایندهلر: ایسرائیل حؤکومتی غزهده ساواش دئییل، سویقیریم ائدیر
فرانسهلی موخالیف نومایندهلر فرانسه جمهور باشقانی امانوئل مکرونون «غزهده ساواش دایاندیریلمالیدیر» مئساژینا «ساواش دئییل، سویقیریم» ایفادهسی ایله تپکی وئردی
فرانسهلی موخالیف نومایندهلر فرانسه جمهور باشقانی امانوئل مکرونون «غزهده ساواش دایاندیریلمالیدیر» مئساژینا «ساواش دئییل، سویقیریم» ایفادهسی ایله تپکی وئردی.
مکرون بونونلا باغلی آچیقلاماسیندا فرانسه پرئزیدئنتی آمئریکا، مصر و قطر واسیطهچیلرینه دستهگینی ایفاده ائدیب.
ایفراطی سولچو یویون ایمهین فرانسه حزبینین نومایندهسی فرانسوا پیکئمال، مکرونون پایلاشیمینا تپکی وئریب.
پیکئمال غزهده ساواش اولمادیغینی و "ساواش جینایتکاری اولان ایسرائیلین باش ناظیری بنیامین نتانیاهونون سویقیریما جهد ائتدیگینی" مودافیعه ائتدی.
مکرونون «نتانیاهو پاریسده خوش قارشیلاناجاغینی» دئدیگینی خاطیرلادان پیکئمال، ”اویان، حرکته گئچ و بیزی اوتاندیرماغی دایاندیر» دئدی.
ایفراطی سولچو یویون ایمهین فرانسه حزبینین نومایندهسی ناتالی اوزیول X حئسابیندا دئییب: «ایسرائیل حؤکومتی غزهده ساواش دئییل، سویقیریم ائدیر. نتانیاهو و ایسرائیل پرئزیدئنتی ایسحاق هئرزوقو قبول ائتمهیی دایاندیرین، سیلاح گؤندرمهیی دایاندیرین و ایسپانیا، ایرلند و نوروئژ کیمی فیلیسطین دؤلتینی تانییین».
بو حزبین نومایندهسی توماس پورتئس مکرونون پایلاشیمینا گوره بئله دئییب: «بو ساواش دئییل، سویقیریمدیر».
ایلگیلیلی خبرلر
ویتنامدا سئل زامانی 233 نفر اؤلدو
ویتنامین شیمال حیسهسینده سئل و داشقین نتیجهسینده 233 نفر هلاک اولوب، داها 823 نفر ایسه خسارت آلیب.
