عباس، پوتین ایله گؤروشهجک
فیلیسطین میللی یؤنتیمی باشقانی محمود عباس و روسیه جمهور باشقانی ولادمیر پوتین آقوستون ۱۳-ده گؤروشهجکلر
روسیه خاریجی ایشلر ناظیرینین معاوینی و روسیه جمهور باشقانینین یاخین دوغو و آفریقا اوزره خصوصی نومایندهسی میخائیل بوقدانوو بیلدیریب کی، فیلیسطین میللی یؤنتیمی باشقانی محمود عباس «یاخین زاماندا» موسکویا سفر ائدهجک.
بوقدانوو دئییب کی، "فیلیسطینین آزادلیق تشکیلاتی بوتون فیلیسطین خالقینین قانونی نومایندهسیدیر. بیز بو چوخ یاپیجی علاقهلری اونایللیکلر عرضینده اینکیشاف ائتدیریریک. بو سفر تماسلارین و بوتون ساحهلرده امکداشلیغین داوام ائتدیریلمهسی باخیمیندان چوخ واجیبدیر".
ریا نووستی آزانسینین دیپلوماتیک قایناغینین بیلگیلرینه گؤره، سفر آقوستون ۱۲-۱۴-ده اولاجاق. عباس و پوتین آقوستون ۱۳-ده گؤروشهجک.
پوتین ایله سونونجو دفعه ۲۰۲۰-جی ایلده بیتالحمده گؤروشن عباس ۲۰۰۵-جی ایلده گلیشیندن بری روسیهیه تخمینا ۲۰ دفعه سفر ائدیب.
۲۰۰۷-جی ایلدن بری یالنیز اردن چایینین غرب ساحیلی محمود عباس و "فتح" حرکاتینین، حماس ایسه غزه بؤلگهسینه نظارت ائدیر.
ایلگیلیلی خبرلر
روسیه لبنانداکی سالدیرینی قیناییب
روسیه لبناندا چاغری جیهازلارینی پارتلاتماقلا ائدیلن سالدیرینی قیناییب.
