آوروپا بیرلیگی و چین بنگلادشده موقتی حکومتین یارادیلماسینی راضیلیق ایله قارشیلاییب
آوروپا بیرلیگی و چین بنگلادشده نوبل موکافاتی صاحبی محمد یونوسون صدرلیگی ایله موقتی حکومتین یارادیلماسینی راضیلیق ایله قارشیلاییب.
آوروپا بیرلیگی بنگلادشده نوبل موکافاتی صاحبی محمد یونوسون صدرلیگی ایله موقتی حکومتین یارادیلماسینی راضیلیق ایله قارشیلاییب.
آوروپا بیرلیگینین خاریجی علاقهلر و تهلوکهسیزلیک سیاستی ایله باغلی عالی نمایندهسی ژوزپ بورل بنگلادشده موقتی حکومتین قورولماسی ایله باغلی یازیلی آچیقلاما وئریب.
آچیقلامادا، آوروپا بیرلیگینین نوبل موکافاتی صاحبی محمد یونوسون صدرلیگی ایله موقتی حکومتین یارادیلماسینی آلقیشلادیغی و بو آددیمین "اؤلکهنین دموکراسییه دوغرو ایرلیلهمهسی و بنگلادش خالقینین و گنجلرین ایستکلرینین یئرینه یئتیریلمهسی اوچون اؤنملی مقام اولدوغو بیلدیریلیب."
آچیقلامادا دئییلیر: "بنگلادش ایندی کئچید دؤورونه قدم قویور و موقتی حکومت دموکراتیک سئچکیلر اوچون زمین حاضیرلاماق و اؤلوم و زوراکیلیق قارشیسیندا حساب وئره بیلیرلیگی تامین ائتمک کیمی اؤنملی وظیفهنی اوزرینه گؤتورهجک."
چین ده بنگلادشده موقتی حکومتین یارادیلماسینی راضیلیق ایله قارشیلاییب.
اؤیرنجیلرین رهبرلیک ائتدیگی اعتراضلار 1917-نجی ایلده بنگلادشده موستقیللیک ساواشیندا ایشتیراک ائتمیش شخصلرین اؤولادلارینا دؤولت کوتالارینین آیریلماسی قراریندان سونرا ایولون اورتالاریندا باشلاییب.
ایولون سونوندا عالی محکمهنین کوتا ساییلارینی آزالتماسی ایله اعتراضلارین باشا چاتدیغی آچیقلانیب.
گؤستریلردهکی زوراکیلیقلارا گؤره مسئولیت داشییان جماعتی ایسلام پارتیسی و اونون اؤیرنجی قانادینین فعالیتی قاداغان ائدیلدیکدن سونرا کوچهلره چیخان اعتراضچیلار بو دفعه گؤستریلرده حیاتینی ایتیرنلره "عدالت" چاغیریشی ائدیبلر.
بنگلادشده گؤستریلر زامانی یوزلرله اینسان حیاتینی ایتیریب، مینلرله اینسان ایسه زوراکیلیق نتیجهسینده توتوخلانیلیب.
زوراکیلیق حادثهلری آرتماقدا داوام ائدرکن، باش ناظیر شیخ حسینه رسمی ایقامتگاهینی ترک ائدرک نیظامی هلیکوپترله هیندیستانا گئتدی، گؤستریچیلر ایسه باش ناظیرین رسمی ایقامتگاهینا باسقین ائتدیلر.
سیاسی پارتی نمایندهلری ایله گؤروشن بنگلادش اوردوسونون قوموتانی ژنرال واکر-اوز-زامان حسینهنین ایستعفاء وئردیگینی و موقتی حکومتین قورولاجاغینی آچیقلاییب.
ایلگیلیلی خبرلر
ویتنامدا سئل زامانی 233 نفر اؤلدو
ویتنامین شیمال حیسهسینده سئل و داشقین نتیجهسینده 233 نفر هلاک اولوب، داها 823 نفر ایسه خسارت آلیب.
