روسیهنین کورسک شهرینده فؤوق العاده وضعیت اعلان ائدیلیب
روسیهنین کورسک بؤلگهسینده توققوشمالارلا باغلی فؤوق العاده وضعیت اعلان ائدیلیب.
روسیهنین کورسک بؤلگهسینده توققوشمالارلا باغلی فؤوق العاده وضعیت اعلان ائدیلیب.
اؤلکهنین اوکراین ایله سرحدی یاخینلیغیندا یئرلشن کورسک ویلایتی والی معاوینی آلکسئی سمیرنوو بیلدیریب کی، روسیه و اوکراین نیظامی قوهلری آراسیندا باش وئرن توققوشمالارا گؤره بؤلگهده فؤوق العاده وضعیت اعلان ائدیلیب.
سمیرنوو تلگرام کانالیندا وئردیگی آچیقلامادا ائرتهسی گون اوکراین اوردوسونون کورسک بؤلگهسینده باشلاتدیغی سالدیریلاردان سونرا مؤوجود وضعیتله باغلی معلومات وئریب.
شرطلرین "چتین" اولدوغونو، لاکین کونترول آلتیندا اولدوغونو بیلدیرن سمیرنوو، "دوشمن قوشونلارینین کورسک بؤلگهسینه داخیل اولماسینین نتیجهلرینی آرادان قالدیرماق اوچون آوقوستون 7سیندن اعتباراً بؤلگهده فؤوق العاده وضعیت اعلان ائتمک قرارینا گلدیم" دئدی.
روسیه ساغلیق ناظیرلیگی بؤلگهده اوکراین عسگرلرینین سالدیریسی نتیجهسینده یارالانانلارین ساییسینین 31-ه یوکسلدیگینی آچیقلاییب.
روسیه پرئزیدئنتی ولادیمیر پوتین کورسک بؤلگهسیندهکی وضعیتله باغلی تهلوکهسیزلیک مقاملاری ایله گؤروشمه کئچیریب و حکومتدن سیویل شخصلره لازیمی دستگین گؤستریلمهسی اوچون آددیملار آتماسینی ایستهییب.
