کیئودن کورسکداکی حادثهلر ایله باغلی آچیقلاما
میخایل پودولیاک آوقوستون 6سیندا اوکراین اوردوسونون روسیه سرحدینی کئچهرک کورسک بؤلگهسینده باشلاتدیغی قارشیدورمالارلا باغلی ایلک دفعه آچیقلاما وئریب.
اوکراین جمهور باشقانینین موشاویری میخائیل پودولیاک آوقوستون 6سیندا اوکراین اوردوسونون روسیه سرحدینی کئچهرک کورسک بؤلگهسینده باشلاتدیغی قارشیدورمالارلا باغلی ایلک دفعه آچیقلاما وئریب.
پودولیاک بیلدیریب: "روسیه فدراسیونونون کورسک و بلگورود ویلایتلری ده داخیل اولماقلا، هر یئرده هر جور گرگینلیین، بومباردمانلارین، قارشیدورمالارین، مجبوری تخلیه و نورمال یاشاییش شرایطینین محو ائدیلمهسینین اساس سببی تکجه روسیهنین تجاووزودور."
اوکراینلی مصلحتچینین سؤزلرینه گؤره، موسکوا حکومتی "محدودلاشدیریجی بین الخالق نورمالارین اونا عائیدیتی اولمادیغینی، اونون قونشو اؤلکهلرین اراضیسینه جزاسیزلیقلا سالدیری ائدهبیلجگینی و ریاکارلیقلا اؤز اراضیسی اوچون توخونولمازلیق ادعا ائدهبیلجیینی" دوشونور.
اوکراین حکومتی و اوردوسو داها اؤنجه کورسکین سرحد بؤلگهلرینده داوام ائدن عملیاتلار بارهسینده بیر آچیقلاما ائتمهییب.
اوردو طرفداری روسیه سوسیال مئدیاسی اوکراین سیلاحلی قوهلرینین روسیه فدراسیونونا ایرلیلهیهرک 11 یاشاییش منطقهسینی نظارته گؤتوردویونو یازیب. تلگرام-دا روسیاپرست کاناللار یازیب کی، توققوشمالار جمعه آخشامی سحر کورسک آتوم الکتریک ایستاسیونونون یئرلشدیگی کورچاتوو شهریندن 30 کیلو متر آرالیدا یئرلشن آناستاسیئوکا کندینده باشلاییب.
