آمریکادان ایسرائیلین سدی تیمان نظارت مرکزی ایله باغلی آچیقلاما

آمریکا بیرلشمیش دؤولتلری، ایسرائیلین سدی تیمان نظارت مرکزینده‌کی تجاووز، ایشگه‌نجه و جنسی ساتاشما خبرلرینین قایغی وئریجی اولدوغونو بیلدیردی.

آغ ائو سؤزچوسو کرین ژان-پیر، گونده‌لیک مطبوعات بیلگیلندیرمه توپلانتیسیندا ایسرائیل عسگرلرینین سدی تیمان نظارت مرکزینده ساخلادیقلاری بیر فیلیسطینلییه تجاووز ائتمه‌سینه باغلی خبرلری دگرلندیردی.

ژان-پیر، بو خبرلره باغلی، "تجاووز، ایشگه‌نجه و ساتاشما خبرلری اولدوقجا قایغی وئریجی" دئدی.

آمریکالی سؤزچو، ایسرائیل اوردوسونون حادثه ایله باغلی باشلاتدیغی ایستینطاقی ایزله‌دیکلرینی ایفاده ائتدی.

آمریکا خاریجی ایشلر ناظیرلیگی سؤزچوسو متیو میلر ده سدی تیمان نظارت مرکزینده‌کی تجاووز جادثه‌سی ایله باغلی، "هر هانسی بیر محکوما جینسی ساتاشما و تجاووزه صیفیر خوش‌گؤرو اولمالیدیر. نقطه. بو، آمریکانین تمل بیر اینانجیدیر" شآچیقلاماسینی وئرمیشدی.

ایسرائیل عسگری پلیسینین، بیر فیلیسطینلییه تجاووز ائدیلدیگی سوچلاماسییلا ۱۰ ایسرائیل عسگرینی نظارته آلماق اوزره ۲۹ جولایدا سدی تیمانا گئتمه‌سینین آردیندان نظارته آلیناجاق عسگرلرین مقاومت گؤسترمه‌سی نتیجه‌سینده حادثه‌لر چیخمیشدی.

باشدا فاناتیک ساغچی میللی تهلوکه‌سیزلیک ناظیری ایتامار بن-گویر و مالیه ناظیری بتسلال سموتریچ اولماق اوزره بعضی ایسرائیللی ناظیرلر تجاووزچو عسگرلره دستک مئساژلاری وئرمیشدی.

نظارته آلینان ۱۰ عسگردن ۵ی ایسرائیل محکمه‌سین طرفیندن سربست بوراخیلارکه‌ن دیگرلرینه باغلی ایستینطاق داوام ائدیر.