توکیودا ایستی وورماسی سببی ایله ۱۲۳ نفر حیاتینی ایتیردی
توکیو عدلی طب تشکیلاتیندان وئریلهن آچیقلامادا، جولای آییندا مئتروپولدا ایستی وورماسی سببی ایله ۱۲۳ نفرین حیاتینی ایتیردیگی بیلدیریلدی
2172556
ژاپنون پایتاختی توکیودا جولای آییندا، ایستی وورماسی سببی ایله ۱۲۳ نفر حیاتینی ایتیردی.
اؤلکهده یاز باشیندان بو یانا تأثیرلی اولان آشیری ایستیلرین نتیجهسی دقیقلشمهیه باشلادی.
توکیو عدلی طب تشکیلاتیندان وئریلهن آچیقلامادا، جولای آییندا مئتروپولدا ایستی وورماسی سببی ایله ۱۲۳ نفرین حیاتینی ایتیردیگی بیلدیریلدی.
ایکیسیندن باشقا بوتون اؤلوم حادثهلرینین باغلی یئرلرده ثبته گئچدیی ایفاده ائدیلرکهن، حیاتینی ایتیرهنلرین چوخونون هاوا سویودوجوسوندان ایستیفاده ائتمهدیگی ایفاده ائدیلدی.
توکیودا ۲۰۱۸ ایلی جولای آییندا، ایستی وورماسی سببی ایله ۱۲۷ اؤلوم ثبت ائدیلمیشدی.
آشیری ایستیلر قونوسوندا اویاران متخصصلر، مجبور قالمادیقجا ائودن چیخماما، باغلی ساحهلرده هاوا سویودوجوسوندان ایستیفاده ائتمه و بول سو ایچمه چاغریسی ائتدی.
