لوفتهانزا یاخین شرقه اوچوشلاری لغو ائتدی
آلمان هاوا یولو شیرکتی لوفتهانزا، یاخین شرقده آرتان گرگینلیگه گؤره ایران و عراق دا داخیل اولماقلا بعضی اؤلکهلر اوچون اوچوشون لغوی قرارلارینی اوزادیب.
آلمان هاوا یولو شیرکتی لوفتهانزا، یاخین شرقده آرتان گرگینلیگه گؤره ایران و عراق دا داخیل اولماقلا بعضی اؤلکهلر اوچون اوچوشون لغوی قرارلارینی اوزادیب.
لوفتهانزا طرفیندن ائدیلن یازیلی آچیقلامادا، یاخین شرقدهکی حادثهلردن سونرا ائدیلن تهلوکهسیزلیک تحلیلی چرچیوهسینده بو بؤلگه اوچون خیدمتلرده دگیشیکلیکلر ائدیلدیگی بیلدیریلیب.
آچیقلامادا، شیرکتین تل-آویو، تهران، بیروت، عمان و اربیله بوتون اوچوشلارینین، او جملهدن آوقوستون 13-ده بؤلگهده آرتان گرگینلیگه گؤره لغو ائدیلدیگی و تأثیرلنن سرنیشینلره پولسوز اوچوش رزرواسیونون دگیشدیریلمهسی و یا لغوی تقدیم ائدیلدیگی بیلدیریلیب.
لوفتهانزا دا کئچن هفته اوخشار قرار قبول ائدرک بؤلگهیه اوچوشلاری لغو ائدیب.
لوفتهانزا قروپونا یورووینگز، سوئیس، اوستریین ایرلاینز و بروکسلز ایرلاینز کیمی شیرکتلر ده داخیلدیر.
اؤتن هفته ایرانین پایتاختی تهراندا حماسین سیاسی بوروسونون صدری ایسماعیل هنیهنین اؤلدورولمهسیندن سونرا ایرانین ایسرائیله قارشی گؤزلهنیلن جواب تدبیری بؤلگهدهکی هاوا یوللاری شیرکتلرینین اوچوشلارینا تأثیر ائدیب.
