انگلستاندا فاناتیک ساغچی خشونتی یاشاندی
پلیموث شهرینده دونن یاشانان، وطنداشلار و پلیسلردن یارالانانلارین اولدوغو آشیری ساغچی خشونت حادثهلرینده، ۶ نفر نظارته آلیندی
انگلستانسن پلیموث شهرینده دونن یاشانان، وطنداشلار و پلیسلردن یارالانانلارین اولدوغو آشیری ساغچی خشونت حادثهلرینده، ۶ نفر نظارته آلیندی.
شهرین آساییشیندن مسئول "دوون و کورنوال پلیسی"، حادثهلرله باغلی آچیقلاما یاییملادی.
فاناتیک ساغچیلار ایله قارشی فیکیرلی قروپون گیلدهال میدانیندا قارشی قارشییا گلمهسینی اؤنلهمک و فاناتیک ساغچی خشونت حادثهلرینه مانع اولماق اوچون ۱۵۰ پرسنلین وظیفه یئرینه یئتیردیگینی ایفاده ائدن پلیس، ۶ نفرین نظارته آلیندیغینی بیلدیردی.
پلیموثداکی حادثهلرده بعضی پلیس مأمورلارینین دا یارالاندیغی بیلدیریلهن آچیقلامادا، یارالانان وطنداشلاردان ۲سینین ده خستهخانایا قالدیریلدیغی قئید ائدیلدی.
پلیموثدا دونن یئرلی ساعاتلا ۱۹.۰۰دا باشلایان فاناتیک ساغچی خشونت حادثهلرینین هدفینده، قارشی فیکیرلی قروپون حرکتی و پلیس یئر آلمیشدی.
شهرده توپلانان عیرقچیلیق قارشیدلارینا داش، شوشه و باشقا جسیملر آتان فاناتیک ساغچیلار، ایکی قروپو بیر آرایا گتیرمهمک اوچون چالیشان پلیسه ده هوجوم ائتمیشدی.
آشیری ساغچی اینگیلیس مدافعه لیگینین تشکیل ائتدیگی حرکتلر، ساوتپورت شهرینده هفته باشینداکی بیچاقلی هوجوم سونراسی شدتلهندی.
بیچاقلی بیر سالدیرقانین ۳ اوشاغی اؤلدوردوگو، ۸ی اوشاق ۱۰ نفری یارالادیغی حادثه سونراسی، فاناتیک ساغچی سوسیال مئدیا حسابلاری و خبر سایتلاری، شبههلینین اؤلکهیه گئچهن ایل گئدن مسلمان بیر سیغینماچی اولدوغونو یازمیشلاردی، آنجاق سالدیرقانین انگلستاندا آنادان اولدوغو و مسلمان اولمادیغی آچیقلاندی.
آنجاق شایعه و یانلیش معلوماتلاندیرمالار کؤچمنلره قارشی خشونتی قیزیشدیردی.
