استرالیا حؤکومتی، تئرور تهلوکهسی سویهسینی "مومکون" سویهیه قالدیردی
استرالیا تهلوکهسیزلیک و استیخبارات تشکیلاتینین باشقانی مایک بورگئس، اؤلکهدکی جمعیتین سون واختلار داها "گؤزلنیلمز و غیر-ثابیت" اولدوغونو بیلدیردی
استرالیادا ایسرائیلین غزهیه هوجوملاری و "گنجلرین رادیکاللاشماسی" کیمی موختلیف سببلردن جمعیتده یارانان گرگینلیه گؤره حؤکومت تئرور تهلوکهسی سویهسینی "مومکون" سویهیه قالدیردی.
استرالیا تهلوکهسیزلیک و استیخبارات تشکیلاتینین باشقانی مایک بورگئس، اؤلکهدکی جمعیتین سون واختلار داها "گؤزلنیلمز و غیر-ثابیت" اولدوغونو بیلدیردی.
بورگئس، "داها چوخ استرالیالیلار سورعتله رادیکاللاشیر. داها چوخ استرالیالی مودافیعه ائتدیکلری مقصد اوچون زوراکیلیقدان ایستیفاده ائتمهیه مئیللیدیر".
او بیلدیریب کی، تئرور تهلوکهسی سویهسی «مومکون» سویهیه قالدیریلیب.
ایسرائیلین غزهیه هوجوملارینا توخونان بورگئس، بؤلگهدکی وضعیتین تئرور تهلوکهسی سویهسینین آرتماسی اوچون "بیرباشا سبب" اولمادیغینی، بونون "واجیب فاکتور" اولدوغونو بیلدیریب.
بورگئس وورغولادی کی، سویهنین آرتیریلماسی استرالیا تهلوکهسیزلیک و استیخبارات تشکیلاتینین «مؤوجود هوجوملا باغلی استیخبارات پلانلارینین اولماسی و یا قاچیلماز هوجوم گؤزلنتیسی اولماسی» دئمک دئییل.
استرالیانین باش ناظیری آنتونی آلبانس ده آچیقلاماسیندا بیلدیریب کی، تئروریزمین سویهسینین آرتماسی «گنجلر آراسیندا و اونلاین موحیطده رادیکاللاشمانین آرتماسی و یئنی قاریشیق ایدئولوژیلرین اورتایا چیخماسی ایله باغلیدیر».
آلبانس وورغولاییب کی، "مومکون" سویهسینه قالدیریلان تئرور تهلوکهسی اونون "قاچیلماز" اولماسی دئمک دئییل.
ایلگیلیلی خبرلر
ویتنامدا سئل زامانی 233 نفر اؤلدو
ویتنامین شیمال حیسهسینده سئل و داشقین نتیجهسینده 233 نفر هلاک اولوب، داها 823 نفر ایسه خسارت آلیب.
