پاپ‌دان یاخین شرق چاغیریشی

کاتولیک‌لرین روحانی لیدری و واتیکانین پرئزیدئنتی پاپا فرانسیس "یاخین شرق‌ده‌کی قان‌لی و شیدت‌لی قارشی‌دورمالارین داها دا گئنیشلنمیه‌جگینه اومید ائتدیگینی" بیلدیریب.

واتیکانین رسمی نشرلرین‌دن اولان واتیجان نیوز سایتینین معلوماتینا گؤره، پاپ واتیکانین مقدس پطروس میدانین‌دا هر بازار گونو قیلینان آنگئلوس نامازین‌دان سونرا چیخیش ائدیب.

پاپ هدف‌لی سالدیریلارین هئچ واخت حل یولو اولابیلمیه‌جگینی، عکسینه، داها چوخ نیفرت و اینتیقام دوغوراجاغینی بیلدیریب.

غزه‌ده و موناقیشه‌لرین باش وئردیگی بوتون بؤلگه‌لرده آتیش‌کسه چاغیران پاپ، یاخین شرق‌ده‌کی گرگین‌لیگی ناراحات‌لیقلا ایزلدیگینی بیلدیریب و "بؤلگه‌ده‌کی قان‌لی و شیدت‌لی قارشیدورمالارین داها دا گئنیشلنمیه‌جگینه اومید ائتدیینی" بیلدیریب.