مالی، اوکراین ایله دیپلوماتیک علاقهلری کسدی
مالی، الجزایر سرحدینده طوارق عصیانچیلاری ایله اوردو آراسینداکی قارشیدورمادا عصیانچیلارا کشفیات دستگی وئردیگینی بیلدیرن اوکراین ایله دیپلوماتیک علاقهلری کسدیگینی آچیقلادی.
مالی، الجزایر سرحدینده طوارق عصیانچیلاری ایله اوردو آراسینداکی قارشیدورمادا عصیانچیلارا کشفیات دستگی وئردیگینی بیلدیرن اوکراین ایله دیپلوماتیک علاقهلری کسدیگینی آچیقلادی.
مالیدهکی کئچید حکومتیندن وئریلن آچیقلامادا،
قئید اولونوب کی، اوکراین ساوونما ناظیرلیگینین کشفیات باش ایدارهسینین مطبوعات کاتیبی آندری یوسووون، الجزایر سرحدینده مالی اوردوسونا قارشی دؤیوشن "سیلاحلی ترور قروپلاشمالارینی" دستکلدیکلری بارهده آچیقلاماسی بؤیوک شوکلا قارشیلانیب.
آچیقلامادا اوکراینین داکارداکی سفیری یوری پیووواروو-ون سؤزوگئدن بیاناتلاری دستکلهین پوستلاری خاطیرلادیلیب و اوکراینین ساحیلده "آچیق-آشکار ترورو دستکلدیگی" بیلدیریلیب.
کئچید حکومتینین روسیهنین اوکراین ایله باغلی ایشلتدیگی "نئونازی" و "آلچاق" صفتلرله تام راضیلاشدیغی بیلدیریلیب.
آچیقلامادا، کئچید حکومتینین بو حادثهلر فونوندا بیر سیرا تدبیرلر گؤردویو آچیقلانیب.
بونا گؤره، اوکراین ایله دیپلوماتیک علاقهلر درحال دایاندیریلیب و اوکراین ساوونما ناظیرلیگینین کشفیات باش ایدارهسینین مطبوعات کاتیبی یوسوو و اوکراینانین داکارداکی سفیری پیووواروو "ترورچولوغو دستکلدیکلرینه" گؤره محکمه تدبیرلری گؤرولهجک.
اوکراینین غربی آفریقاداکی سفیرلیکلرینده مالیده ثابتلیگی پوزماغا چالیشان "دیپلومات مقامیندا اولان ترورچولارین" قارشیسینی آلماق اوچون لازیمی تدبیرلر گؤرولهجک.
بونونلا باغلی اوکراینی دستکلهین دؤولتلر و بؤلگه تشکیلاتلارا خبردارلیق ائدیلهجک و اوکراینا وئریلن دستک "ترورا دستک" کیمی قیمتلندیریلهجک.
اوکراینین داکارداکی سفیری یوری پیووواروو، مالی اوردوسو ایله طوارق عصیانچیلاری آراسیندا موناقیشه ایله باغلی سفیرلیگین فسبوک حسابیندا یازدیغی یازییا گؤره خاریجی ایشلر ناظیرلیگینه چاغیریلیب.
اؤتن هفته الجزایر سرحددیندهکی تینزاواتن شهرینده مالی اوردوسو ایله طوارق عصیانچیلاری آراسیندا باش وئرن قارشیدورمادا اوردونون ساییسی آچیقلانماسا دا، چوخ ایتکی وئردیگی بیلدیریلیب.
